Adkryćcio pamiatnaha znaka ŭ honar siabroŭstva i adzinstva kanfiesij Iŭjeŭščyny — takoj padziejaj adznačyŭsia sioletni Dzień horada ŭ Iŭi, što na Hrodzienščynie.

16 červienia iŭjeŭčanie i hości ŭračystaści raspačali dzień u svaich śviatyniach: katoliki — u kaściole sv. apostałaŭ Piatra i Paŭła, pravasłaŭnyja — u carkvie sv. mučanika dziciaci Haŭryiła Biełastockaha, musulmanie — u miačeci.

Paśla malitvy za jednaść narodaŭ, za mir u rodnaj krainie ŭdzielniki śviata prajšli ŭ pracesijach pa vulicach horada i syšlisia na płoščy, dzie ŭzvysiŭsia pamiatny znak z čatyroch biełych stromkich arak, simvalizujučych čatyry kanfiesii Iŭjeŭščyny. Padobnyja na ścieny adnoj pabudovy, kožnaja z arak paviernuta da śviatyni abo miesca malitvy adpaviednaj kanfiesii — katalickaj, pravasłaŭnaj, musulmanskaj i iŭdziejskaj. Na arcy katalickaj kanfiesii źmieščany abraz bł. Jana Paŭła II u poŭny rost i nadpis «Adčynicie dźviery Chrystu!»

U prysutnaści žycharoŭ Iŭjeŭščyny, miascovaha kiraŭnictva na čale ź inicyjataram hetaj značnaj padziei staršynioj rajvykankama Michaiłam Vałčeckim i pradstaŭnikami dypkorpusu pamiatny znak byŭ aśviačony. Śviatary i pradstaŭniki kanfiesij źviarnulisia z pramovami da sabranych.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?