Nahadajem, Zachar Šybieka — doktar histaryčnych navuk, daśleduje historyju biełaruskich haradoŭ (źjaŭlajecca adnym ź lepšych śpiecyjalistaŭ pa historyi Minsku XIX–XX stahodździaŭ), aŭtar knihi pa historyi Biełarusi. U lipieni jamu spoŭnicca 64 hady.

Kab spraŭdzić infarmacyju, što jon źjazdžaje za miažu, Jeŭraradyjo ŭ čaćvier kala 19.30 pa biełaruskim časie patelefanavała Zacharu Šybieku. «Ja ŭžo staju na pasadku na Minsk — Tel-Aviŭ, tamu infarmacyja dakładnaja…, — kaža Šybieka. — Ja dumaju, što Biełaruś mianie nie zhubić. Tamu što, dzie b ja nie žyŭ, ja ŭsio roŭna zastajusia biełarusam. Pastarajusia i ŭ Izraili pracavać na Biełaruś, na biełaruskuju ideju…».

Što da matyvaŭ adjezdu na stałaje miesca žycharstva ŭ Izrail, to Zachar Šybieka skazaŭ nastupnaje:

«Matyvy samyja prostyja, samyja ludskija. Kachańnie! Ja jedu da lubimaj žančyny. Chaču abjadnać ź joj los svoj. Tak atrymałasia, što jana vybrała Izrail, a ja vybraŭ jaje!»

Šybieka kaža, što budzie časova žyć u Chajfie. Ale spadziajecca pracavać u archivach, biblijatekach Ijerusalima, Tel-Aviva. Najpierš jon źbirajecca pačać z vyvučeńnia iŭryta.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?