U Smalavickim rajonie Minskaj vobłaści na płoščy 8 tys. 48 ha [80 kv. kiłamietraŭ] budzie stvorany Kitajska-biełaruski industryjalny park. Adpaviedny ŭkaz, № 253, Alaksandr Łukašenka padpisaŭ 5 červienia, paviedamlaje pres-słužba prezidenta.

Zhodna z ukazam, industryjalny park budzie ŭjaŭlać saboj asablivuju ekanamičnuju zonu, nadzielenuju na 50 hadoŭ śpiecyjalnym pravavym režymam. Pryjarytetnyja kirunki, što namiačajucca da raźvićcia ŭ parku, — elektronika, bijamiedycyna, tonkaja chimija i mašynabudavańnie.

«Park budzie jakasna novym dla krainy terytaryjalnym utvareńniem ź infrastrukturaj, nieabchodnaj dla efiektyŭnaha viadzieńnia biźniesu», — havorycca ŭ paviedamleńni pres-słužby.

Ustanoŭlena, što vyšejšym orhanam kiravańnia industryjalnaha parku stanie mižuradavy kaardynacyjny saviet, a kiravańnie jaho dziejnaściu ažyćciaŭlaje administracyja industryjalnaha parku, jakaja źjaŭlajecca dziaržaŭnaj ustanovaj, padparadkavanaj uradu.

Administracyja parku budzie stvorana Savietam ministraŭ.
Jana budzie dziejničać «u adpaviednaści z zakanadaŭstvam i ŭ ramkach kampietencyi». U pryvatnaści, administracyja nadzielena pravam «ažyćciaŭlać dziaržaŭnuju rehistracyju i likvidacyju subjektaŭ haspadarańnia, a taksama jurydyčnych asob u jakaści rezidentaŭ parku ŭ paradku, ustanoŭlenym uradam; zabiaśpiečvać ažyćciaŭleńnie pa zvarotach jurydyčnych asob, zarehistravanych na terytoryi hetaha parku, administracyjnych pracedur, praduhledžanych zakanadaŭstvam; adbirać i pradastaŭlać u karystańnie, arendu i pryvatnuju ŭłasnaść sumiesnaj biełaruska-kitajskaj kampanii pa raźvićci industryjalnaha parku ziamielnyja ŭčastki ŭ jaho miežach».

Taksama ŭkazam praduhledžana stvareńnie sumiesnaj biełaruska-kitajskaj kampanii pa raźvićci industryjalnaha parku. Jana pavinna zabiaśpiečyć «prajektavańnie i budaŭnictva abjektaŭ, praduhledžanych hienieralnym płanam industryjalnaha parku, pryciahnieńnie inviestaraŭ, kiravańnie abjektami parku i raźvićcio jaho infrastruktury».

Dola Biełarusi ŭ statutnym fondzie hetaj kampanii składzie 40%, Kitaja — 60%. Adnak, jak padkreślivajecca ŭ paviedamleńni pres-słužby, heta «nie paciahnie straty kiravanaści ad biełaruskaha boku, pakolki asnoŭnyja rašeńni buduć prymacca savietam dyrektaraŭ, u jakim u biełaruskaha boku jość błakirujučy hołas».

Statutny fond kampanii budzie farmiravacca za košt hrašovych układaŭ u zamiežnaj valucie, uniesienych zasnavalnikami.

Dachody fizičnych asob u vyhladzie apłaty pracy, atrymanyja pa pracoŭnych dahavorach ad sumiesnaj kampanii i (abo) rezidentaŭ industryjalnaha parku da 1 studzienia 2027 hoda,

buduć abkładacca padachodnym padatkam ź fizičnych asob u pamiery 9%.

Dla pavyšeńnia inviestycyjnaj pryvabnaści industryjalnaha parku ŭkazam ustanoŭleny ŭmovy dziejnaści stratehičnych inviestaraŭ, jakija ŭklučajuć u siabie prefierencyjalnyja režymy svabodnych ekanamičnych zon, Parku vysokich technałohij, małych i siarednich haradoŭ. «Stvorany najbolš spryjalnyja ŭmovy dla realizacyi bujnych inviestycyjnych prajektaŭ», — paviedamlaje pres-słužba.

Va ŭkazie taksama vyznačana, što ziamielnyja ŭčastki dla patreb budaŭnictva industryjalnaha parku «nie vydzialajucca ź ziamiel nasielenych punktaŭ, sadavodčych tavarystvaŭ, dačnych kaapieratyvaŭ».

Mižuradavaje biełaruska-kitajskaje pahadnieńnie ab stvareńni sumiesnaha industryjalnaha parku było padpisana ŭ Minsku ŭ vieraśni 2011 hoda, a ŭ śniežni — ratyfikavana parłamientam Biełarusi.

Miascovyja žychary i dačniki aktyŭna pratestujuć suprać budaŭnictva ŭ Smalavickim rajonie industryjalnaha parku.
Jany ŭpeŭnieny, što ad takoha maštabnaha prajekta, jaki praduhledžvaje budaŭnictva socień pradpryjemstvaŭ, niepaźbiežna pacierpić ekałohija hetych miesiacaŭ. Da taho ž ekołahi zajaŭlajuć, što industryjalnaja zabudova pad Minskam, u rekreacyjnaj zonie stalicy, surjozna pahoršyć ekałahičnuju abstanoŭku ŭ miehapolisie.

25 maja ŭ Smalavicki rajvykankam (Minskaja vobłaść) była pieradadziena zajava z patrabavańniem zarehistravać inicyjatyŭnuju hrupu pa praviadzieńni miascovaha refierendumu. Na jaho prapanujecca vynieści pytańnie: «Ci zhodnyja vy z raźmiaščeńniem na terytoryi Smalavickaha rajona Kitajska-biełaruskaha industryjalnaha parku?

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?