Termin rasśledavańnia kryminalnaj spravy ŭ dačynieńni da byłoha namieśnika ministra ŭnutranych spraŭ Jaŭhiena Południa, jaki zakančvaŭsia 6 červienia, pradoŭžany jašče na dva miesiacy — da 6 žniŭnia,
paviedamili ŭ Śledčym kamitecie Biełarusi.

Miera strymańnia ŭ dačynieńni da Południa zastałasia raniejšaj — utrymańnie pad vartaj.

Namieśnik ministra ŭnutranych spraŭ — načalnik milicyi hramadskaj biaśpieki Jaŭhien Połudzień byŭ zatrymany 8 śniežnia 2011 hoda.
Praz tydzień jamu było vystaŭlena abvinavačańnie na padstavie častki 3 artykuła 424 KK (złoŭžyvańnie ŭładaj abo słužbovymi paŭnamoctvami). U lutym 2012 hoda ŭ dačynieńni da Południa była raspačata druhaja kryminalnaja sprava — pa prykmietach złačynstva, praduhledžanaha častkaj 3 artykuła 426 KK (pieravyšeńnie ŭłady abo słužbovych paŭnamoctvaŭ asobaj, jakaja zajmaje adkaznuju pasadu). Abiedźvie spravy abjadnany ŭ adnu vytvorčaść. Śledstva ŭstanaviła, što Połudzień sistematyčna na praciahu doŭhaha pieryjadu času atrymlivaŭ ad słužbovych asob orhanaŭ unutranych spraŭ materyjalnyja kaštoŭnaści i hrašovyja srodki.

Na sustrečy z žurnalistami 27 krasavika načalnik Śledčaha kamiteta Valeryj Vakulčyk paviedamiŭ, što sprava maje šmat epizodaŭ, pa joj prachodzić mnostva śviedak. "Abhruntavanaść zatrymańnia Południa nie vyklikaje sumnieńniaŭ", — skazaŭ kiraŭnik SK.

Pavodle jaho słoŭ, da rasśledavańnia spravy Południa pryciahnuty pravaachoŭnyja orhany Rasii i Hiermanii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?