Sprava na padstavie častki 3 artykuła 317 Kryminalnaha kodeksa za parušeńnie praviłaŭ darožnaha ruchu, jakoje paciahnuła śmierć pa nieaściarožnaści dvuch i bolš čałaviek,
raspačata Staradarožskim adździełam Śledčaha kamiteta pa fakcie DTZ, što zdaryłasia viečaram 5 červienia.

Zhodna ź milicejskaj zvodkaj, pryblizna ŭ 22.30 30-hadovy vadziciel aŭtamabila «Mersedes-Bienc-Sprynter-208D» na darozie Babrujsk — Hłusk — Lubań Staradarožskaha rajona Minskaj vobłaści pry sustrečnym raźjeździe z «Aŭdzi-80» učyniŭ najezd na hužavuju pavozku, što ruchałasia ŭ spadarožnym napramku. U pavozcy znachodzilisia mužčyna 1967 hoda naradžeńnia i žančyna 1973 hoda naradžeńnia.

U vyniku DTZ vozčyk i pasažyr pavozki pamierli na miescy zdareńnia. Avaryja zdaryłasia ŭ ciomny čas sutak, hužavaja pavozka była abstalavana śviatłoadbiŭnymi elemientami. Sutyknieńnie było nastolki mocnym, što zahinuli nie tolki ludzi, ale i koń.

Pravaachoŭnyja orhany vyśviatlajuć, dzie ŭsio-taki ruchałasia hužavaja pavozka, ci stvarała jana pieraškody dla aŭtamabilaŭ. Papiarednie ŭstanoŭlena, što vozčyk i jaho pasažyrka znachodzilisia ŭ stanie mocnaha ałkaholnaha apjanieńnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?