Nacbank uvieś biahučy hod kuplaŭ valutu, prapanova pieravyšała popyt, kanstatavaŭ Taras Nadolny ŭ efiry prahramy «Śfiera intaresaŭ» na telekanale «Biełaruś 1».

Uradavy prahnoz na 2012 hod zakładaŭ kurs 9150 za dalar. «Ja miarkuju, što ŭ biahučym hodzie my nie nablizimsia da hetaj adznaki, zychodziačy z toj situacyi, jakaja siońnia składvajecca na ŭnutranym valutnym rynku», — skazaŭ pradstaŭnik Nacbanka.

Na adčuvalny rost kursu dalara za minuły tydzień akazali ŭpłyŭ ŭnutranyja i źniešnija pryčyny. Słabieje jeŭra. «Heta pradyktavana tym, što idzie ŭzmacnieńnie niedavieru z boku inviestaraŭ da jeŭrapiejskaj valuty», — kaža Nadolny. Akramia taho, dva dni tamu ahienctva Moody's paniziła rejtynhi emitenta hreckich ablihacyj. Aktyŭna musirujecca pytańnie ab vychadzie Hrecyi ź jeŭrazony. «I ŭsio heta padhaniaje da taho, kab dołar macnieŭ», — adznačyŭ ekśpiert. Adpaviedna, Biełaruś jak kraina z adkrytaj ekanomikaj schilnaja ŭ peŭnaj stupieni ŭpłyvu ruchu kursaŭ valut na suśvietnym rynku.

Kali b u standartnaj situacyi kurs biełaruskaha rubla devalvavaŭsia da dalara ZŠA na Br20-30, to, napeŭna, hetaha ruchu nichto b nie zaŭvažyŭ. Ale va ŭmovach uzmacnieńnia padzieńnia jeŭra i ŭmacavańnia dalara kurs biełaruskaha rubla da dalara pakazvaje bolš značnuju dynamiku, jakaja vyjaŭlajecca ŭ ruchu Br150-160. «Za košt taho što adbyvajucca niaŭstojlivyja tendencyi na suśvietnym rynku ŭ pary» dołar-jeŭra «, kurs rubla za apošni tydzień źmianiŭsia ŭ trochi bolšych praporcyjach u paraŭnańni sa standartnaj situacyjaj, jakuju my nazirali ŭ kancy kožnaha miesiaca sioleta», — adznačyŭ Nadolny.

Apošnija tydni maja, pryznaŭ Nadolny, popyt trochi pieravyšaje prapanovu valuty. Heta źviazana z tym, što idzie pahašeńnie kredytaŭ subjektami haspadarańnia, a nasielnictva rychtujecca da adpačynkaŭ. Ale ŭ cełym «Nacbank nie bačyć nijakich prablem, źviazanych z časovym źmianieńniem kursu, bolš hnutkaj dynamikaj, — skazaŭ Taras Nadolny. — Tym bolš što ź minułaha hoda dynamika kursu hruntujecca vyklučna na roście popytu albo prapanovy».

Jon adznačyŭ, što tolki ŭ apošnija dni nasielnictva stała pradavać stolki ž valuty, kolki i kuplać, heta značyć salda pa apieracyjach nasielnictva dasiahnuła ŭzroŭniu nula.

Клас
0
Панылы сорам
0
Ха-ха
0
Ого
0
Сумна
0
Абуральна
0