Jak paviedamlajuć miascovyja ŭłady, vializnyja pavuki masava napadajuć na žycharoŭ paŭnočnaha ŭschodu Indyi.

Dźvie achviary ŭkusu pamierli ŭ rajonie Tynsukja. Ułady kažuć, što pakul niezrazumieła, zahinuli jany ad jadu ci lačeńnia znacharoŭ, jakija rabili nadrezy lazom, kab advieści kroŭ z rany. Pamierłyja byli kremiravanyja, i ŭskryćcia pravieści nie ŭdałosia.

Sproby miascovych lačyć balučyja puchiry ad ukusaŭ mohuć być bolš niebiaśpiečnymi, čym sami pavuki.

Jašče siami achviaram ukusaŭ daviałosia davać antybijotyki suprać infiekcyi paśla sprobaŭ samalačeńnia.

Pavukoŭ upieršyniu zaŭvažyli kala miesiaca tamu ŭ travianistych dalinach Tynsukji i hustych džunhlach na poŭnač ad raki Brachmaputra. Tamtejšyja žychary dziažurać ciapier pa načach kala chataŭ i nie hasiać śviatło.

Navukoŭcy pakul sumniajucca, ci sapraŭdy pavuki mutavali. Jany nie vyklučajuć, što havorka idzie pra ŭkusy zvyčajnych pavukoŭ, a reštu zrabiła chvala paniki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?