«Za 9 dzion u izalatary na śviežaje pavietra vyvieli tolki dva razy i dva razy dazvolili pryniać duš», — kaža pravaabaronca.

Viadomaha pravaabaroncu kala Centra izalacyi pravaparušalnikaŭ na vulicy Akreścina sustrakali baćki, rodny brat, siabry i karespandent «Narodnaj Voli».

Trymaŭsia Aleh badziora. Pra toje, što 9 sutak pravioŭ za kratami havaryła ščacińnie na tvary i krychu zaŭvažnaja stomlenaść u pozirku.

— Umovy žachlivaja, — raskazaŭ Aleh. — Amal što za paŭhoda ŭ izalatary ničoha nie źmianiłasia.
Vilhotna, choładna, brudna. Ježa drennaja, asabliva — chleb. Kožny dzień pisaŭ zajavy, kab dazvolili prahułku i łaźniu. Ale za 9 dzion na śviežaje pavietra vyvieli tolki dva razy i dva razy dazvolili pryniać duš.
Jak viadoma, pravaabaronca Aleh Vołčak byŭ asudžany da dzieviaci sutak administracyjnaha aryštu nibyta za toje, što łajaŭsia na vulicy.
Sudździa suda Centralnaha rajona stalicy Taćciana Tkačova, davieryŭšysia pakazańniam supracoŭnikaŭ pałka milicyi asablivaha pryznačeńnia Dźmitryja Tukajły i Andreja Kanina, pryznała Vołčaka vinavatym u drobnym chulihanstvie. Heta byŭ užo druhi aryšt Aleha Vołčaka ŭ hetym hodzie nibyta za łajanku ŭ hramadskim miescy.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?