Namieśnik staršyni Biełaruskaj sacyjał-demakratyčnaj partyi (Hramada) Anatol Laŭkovič vyjšaŭ ź liku zajaŭnikaŭ akcyi 25 sakavika. 23 sakavika na sustrečy z načalnikam HUUS Minharvykankama Anatolem Kulašovym jon zrabiŭ zajavu ab tym, što adklikaje svoj podpis pad zajaŭkaj na praviadzieńnie akcyi i zdymaje ź siabie adkaznaść za padziei, jakija mohuć adbycca ŭ hety dzień na Kastryčnickaj płoščy Minska.

U intervju BiełaPAN A.Laŭkovič zajaviŭ: «Naša partyja nikoli nie ihrała pa scenaryjach ułady. Ja byŭ zajaŭnikam taho, kab hałoŭnaje śviata Biełarusi prajšło na hałoŭnaj płoščy krainy. Ułada nam iznoŭ prapanavała staryja maršruty».

Pavodle słoŭ palityka, kali 19 sakavika Minharvykankam dazvoliŭ udzielnikam akcyi prajści ad akademii navuk da płoščy Banhałor, jon byŭ aburany, «ale ŭsio ž spadziavaŭsia, što ŭ nastupnyja dni ŭłada pojdzie na kampramis, z pavahaj pastavicca da biełaruskaha naroda i jaho hałoŭnaha śviata». Ja adklikaju podpis i nie adkazvaju za toje, da čaho moža pryvieści scenaryj ułady, — zajaviŭ Laŭkovič.

Zaraz zajaŭnikami akcyi zastajucca Alaksandr Milinkievič, namieśnik staršyni Abjadnanaj hramadzianskaj partyi Ihar Šynkaryk i namieśnik staršni Partyi BNF Viktar Ivaškievič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?