Staršynia Minabłvykankama Barys Batura krytykuje praciŭnikaŭ budaŭnictva kitajska-biełaruskaha industryjalnaha parka ŭ Smalavičach i śmiećciepierapracoŭčaha zavoda ŭ Barysavie za «žadańnie žyć u pieršabytnaabščynnym ładzie».

«Nielha nastrojvać narod suprać [budaŭnictva], kali my chočam žyć u dobraj, pryhožaj krainie i zarablać dobryja hrošy. Kali my vyrašyli žyć u pieršabytnaabščynnym ładzie — nu, davajcie budziem da jaho pacichu spaŭzać», — zajaviŭ B. Batura ŭ piatnicu na pres-kanfierencyi ŭ Minsku, kranajučy vystupleńniaŭ nasielnictva suprać budaŭnictva kitajskaha technaparka i śmiećciepierapracoŭčaha zavoda.

«Čamu taki ažyjataž uźniaŭsia vakoł parka? Pa śmiećciepierapracoŭčym zavodzie ŭ Barysavie jašče niama prapracovak, a ŭžo podpisy źbirajuć što „my — suprać“. Treba, kab śmiećcie pad nahami lažała», — aburyŭsia jon. «Chiba dobra, kali ŭ Minskim rajonie 3 kurhany zvałki?», — spytaŭ Batura. «Heta nie pakazčyk dla stalicy. Treba budavać śmiećciaspalvajučyja, śmiećciepierapracoŭčyja zavody», — pierakanany jon.

«Treba abjektyŭna padychodzić da vyrašeńnia pytańniaŭ. Takija vytvorčaści my budziem budavać, jak by hetaha nie chaciełasia ruchu „Havary praŭdu“ [ŭdzielničać u pratestach], ci jak jano tam zaviecca», — zajaviŭ staršynia Minabłvykankama.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?