Zhodna sa źmienami, uniesienym u kalektyŭnuju damovu ŭ minułym hodzie, na pradpryjemstvie musiać vypłacić zarobak u apošni dzień miesiaca, a nie 25-ha čysła, jak było raniej. Pa słovach rabočych, hetyja źmieny byli zroblenyja bieź ich zhody.
Adnak i 31 traŭnia zarobki na zavodzie nie vypłacili.

Kala 7 hadzin ranicy 1 červienia blizu 100 rabočych sabralisia kala ŭvachoda ŭ armaturny cech i zajavili, što nie prystupiać da pracy, pakul nie atrymajuć zarabotnuju płatu. Spačatku ź imi sustreŭsia namieśnik hienieralnaha dyrektara pa pramysłovaj vytvorčaści Mikałaj Mačycha, a paźniej padjechaŭ namieśnik hienieralnaha dyrektara pa ekanamičnaj dziejnaści Alaksiej Haponienka.

Załahodzić kanflikt udałosia tolki ćviordym abiacańniem vypłacić zarobki ŭ hety ž dzień. Pa słovach kiraŭnictva, praca pradpryjemstva adnaviłasia prykładna ŭ 9:30. U toj ža čas rabočyja kažuć, što jany prystupili da pracy tolki paśla abiedu.

Siońnia hrošy pieraličyli na kartki pracaŭnikoŭ kala 11:40. Čamu zarabotnaja płata na zavodzie bujnapanelnaha domabudaŭnictva nie była vypłačanaja ŭ naležnyja terminy, vyśvietlić nie ŭdałosia, bo namieśnik hienieralnaha dyrektara pa ekanamičnaj dziejnaści Alaksiej Haponienka na telefanavańni našaha karespandenta nie adkazvaje. Nie puścili žurnalista i ŭ cech, kab parazmaŭlać z rabočymi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?