Pra heta zajaviŭ načalnik HUUS Minharvykankama Anatol Kulašoŭ 23 sakavika na sustrečy z zajaŭnikami akcyi.

Pa fakcie arhanizacyi 25 sakavika ŭ Minsku niesankcyjavanaj akcyi raspačata kryminalnaja sprava. Pra heta zajaviŭ načalnik HUUS Minharvykankama Anatol Kulašoŭ 23 sakavika na sustrečy z zajaŭnikami akcyi z nahody Dnia voli Iharam Šynkarykam i Anatolem Laŭkovičam.

Jak paviedamiŭ BiełaPAN namieśnik staršyni Abjadnanaj hramadzianskaj partyi I.Šynkaryk, A.Kulašoŭ paviedamiŭ, što ciaham apošnich dvuch dzion pa krainie zatrymlivalisia maładyja radykalnyja aktyvisty, i papiaredziŭ ab adkaznaści za niesankcyjavanyja dziejańni. U adkaz zajaŭniki akcyi skazali, što ŭ taki dzień ludzi ŭ lubym vypadku pryjduć na Kastryčnickuju płošču i prapanavali načalniku HUUS šukać kampramis. A.Kulašoŭ, pavodle słoŭ I.Šynkaryka, pahadziŭsia ź nieabchodnaściu kampramisu.

U vyniku baki damovilisia, što 25 sakavika, za paŭhadziny da abjaŭlenaha zboru ludziej, z arhanizatarami akcyi ŭ rajonie Kastryčnickaj płoščy sustreniecca pamočnik Kulašova, i praź miehafon prysutnych buduć papiaredžvać ab nastupnym maršrucie šeścia: vulica Internacyjanalnaja — vulica Janki Kupały — i dalej pa pravym baku praśpiekta Niezaležnaści da Akademii navuk.

Nahadajem, što Minharvykankam dazvoliŭ arhanizataram śviatkavańnia Dnia voli sabracca blizu Akademii navuk i pa vulicy Surhanava prajści da płoščy Banhałor. Adnak lidery apazicyi, niahledziačy na zabaronu ŭładaŭ, zaklikali ludziej prychodzić u 12.00 na Kastryčnickuju płošču.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?