Siońnia ŭ Savieckim sudzie stalicy musili adbycca sudy nad staršynioj Partyi BNF Vincukom Viačorkam i apazycyjnym aktyvistam Viačasłavam Siŭčykam. Ich abodvuch paasobku zatrymali 13 sakavika, skłali pratakoły zatrymańnia za niecenzurnuju łajanku. Noč na 14 sakavika Viačorka ź Siŭčykam praviali na Akreścina. Nazaŭtra ich niečakana vypuścili, rastłumačyŭšy heta tym, što niapravilna byli aformlenyja pratakoły. Palitykam uručyli paviestki na 23 sakavika ŭ Saviecki sud. Praces nad Viačorkam musiŭ adbycca a 10 ranicy, a nad Siŭčykam – a 11.

U dziesiać padtrymać Vincuka Viačorku da budynku sudu na Łahojski trakt pryjšli pasły eŭrapiejskich krainaŭ – Vialikaj Brytanii, Francyi, Čechii. Adnak čakańni dyplamataŭ akazalisia marnymi, Viačorka u sud nie pryjšoŭ.

Zatoje pryjšoŭ na sud Viačasłaŭ Siŭčyk. Sudździa Aksana Relava paśla nievialičkaj razmovy ź Siŭčykam pryniała rašeńnie pieranieści praces na 4 krasavika, pry hetym palitka ŭ sud dastaviać milicyjanty. Takim čynam i Viačorka, i Siŭčyk zmohuć uziać udzieł u śviatkavańni Dnia Voli.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?