Zhurtavańnie biełarusaŭ śvietu «Baćkaŭščyna», «Tavarystva biełaruskaj movy» i Sajuz biełaruskich piśmieńnikaŭ atrymali adkazy ad Bieraściejskaha abłvykankama, Kobrynskaha rajvykankama i Kobrynskaha rajonnaha savieta deputataŭ adnosna pryśviačeńnia chrama, što budujecca ŭ Kobrynie, rasiejskamu vojskavodcu Alaksandru Suvoravu.

U listach kobrynskich uładaŭ havorycca, što «ŭ Kobrynie nie viadziecca budaŭnictva nijakaha «Suvoraŭskaha chrama». Takaja nazva nieabhruntavana była prysvojena adnoj z novabudoŭlaŭ pravasłaŭnaha chrama niekatorymi srodkami masavaj infarmacyi i asobnymi pradstaŭnikami hramadzkaści Kobryna. Pa rašeńni Bieraściejskahaaha abłvykankama chram budzie mieć nazvu«Śviata‑Chrystaraždziestvienskaja carkva Kobryna – chram‑pomnik 60‑hodździa vyzvaleńnia Biełarusi».

Bieraściejski abłvykankam u svaim adkazie adznačaje, što «vialiki ruski vojskavodziec Suvoraŭ nie byŭ kananizavany Ruskaj pravasłaŭnaj carkvoj, tamu chram ź jaho imiem budavacca nie moža».

Raniej u adkaz na zvaroty hramadzkich arhanizacyj presavaja słužba Biełaruskaha Ekzarchatu paviedamiła, što «Ekzarchat nie vałodaje nijakimi dakumentami, jakija b śviedčyli pra toje, što namiery i prajekty, jakija źviazvajuć budaŭnictva Kobrynskaha chrama Naradžeńnia Chrystova ź imiem Suvorava, atrymali dabrasłaŭleńnie». U paviedamleńni presavaj słužby adznačałasia, što «mierkavańni asobnych čalcoŭ kliru i pastvy Kobryna nie pretendujuć i nie mohuć pretendavać na status, jaki vykazvaje aficyjnuju pazycyju ŭsiej Biełaruskaj Pravasłaŭnaj cerkvy».

Nahadajem, što pierad 8 sakavika z analahičnaj zajavaj vystupiła Biełaruskaja pravasłaŭnaja carkva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?