Mižnarodnaja letniaja škoła biełaruskaj movy (MŁŠBM) pry Biełaruskim dziaržaŭnym univiersitecie zaprašaje ad 25 červienia da 7 lipienia 2012 h. na sieminar dla zamiežnych słavistaŭ, biełarusistaŭ i ŭsich, kaho cikavić biełaruskaja mova, litaratura, historyja i kultura.

Navučalnyja kursy raźličany na śpiecyjalistaŭ i supracoŭnikaŭ navukovych i navučalnych ustanoŭ, studentaŭ, piśmieńnikaŭ, pierakładčykaŭ, žurnalistaŭ, inšych asob, jakija chočuć udaskanalvacca ŭ biełarusistycy i biełarusaznaŭstvie.

Meta sieminara — navučańnie biełaruskaj movie i pahłybleńnie viedaŭ pra biełaruskuju movu, litaraturu, historyju i kulturu.

Sieminar uklučaje moŭnyja kursy dla pačatkovaha i siaredniaha ŭzroŭniaŭ; praktyčny kurs pa linhvistyčnym analizie tekstu dla vyšejšaha ŭzroŭniu; lekcyi pa movaznaŭstvie, litaraturaznaŭstvie, etnałohii, linhvakulturałohii; pa žadańni navučencaŭ — indyvidualnyja kansultacyi z aŭtarytetnymi biełaruskimi navukoŭcami (u zajaŭcy prosim ukazać prykładnuju tematyku kansultacyj); praviadzieńnie kruhłaha stała sumiesna ź Mižnarodnaj asacyjacyjaj biełarusistaŭ (MAB).

Zajaŭki na ŭdzieł u sieminary prymajucca da 30 maja.
U zajaŭcy treba paznačyć svajo poŭnaje imia, krainu, adukacyju, miesca pracy ci navučańnia, kantaktnuju infarmacyju (chatni adras, telefon, e-mail), uzrovień moŭnych kursaŭ; dla treciaha ŭzroŭniu — prykładnuju tematyku indyvidualnych kansultacyj.
Apłata za navučańnie, charčavańnie, pražyvańnie ŭ studenckim internacie i kulturnuju prahramu — za košt prymajučaha boku. Prajezd — za košt udzielnikaŭ sieminara.

U prahramu sieminara ŭvachodziać ekskursii pa histaryčnych miaścinach Minska i Biełarusi, naviedvańnie muziejaŭ i inšych kulturnych ustanoŭ horada i krainy, sustrečy ź dziejačami biełaruskaj kultury, mastactva i navuki.

Kantaktnaja infarmacyja: Mižnarodnaja Letniaja škoła biełaruskaj movy. Fiłałahičny fakultet BDU. vuł. Marksa, 31. 220050 Minsk, Biełaruś.

T./faks: (017) 222-34-21; t.: (017) 222-31-42. E-mail: [email protected].

Клас
0
Панылы сорам
0
Ха-ха
0
Ого
0
Сумна
0
Абуральна
0