Dziaržaŭny mytny kamitet Biełarusi maje infarmacyju pra vypadki ažyćciaŭleńnia pašpartnaha kantrolu rasijskimi pamiežnikami na rasijska-biełaruskaj miažy, paviedamiŭ na pres-kanfierencyi 23 maja ŭ Minsku namieśnik staršyni DMK Siarhiej Barysiuk.

«Mytnyja orhany Respubliki Biełaruś nie ažyćciaŭlajuć pašpartny kantrol.

Razam z tym my majem infarmacyju, što na pieryjadyčnaj asnovie pahraničnyja słužby Rasijskaj Fiederacyi takija mierapryjemstvy na biełaruska-rasijskaj miažy pravodziać»,
— skazaŭ namieśnik staršyni DMK.
Pry hetym Siarhiej Barysiuk nie zmoh adkazać na pytańnie, z čym heta źviazana.

«Mnie ciažka kamientavać dziejańni pahraničnaj słužby Rasijskaj Fiederacyi», — adznačyŭ jon.

* * *

    Infarmacyja ab tym, što na miažy Biełarusi z Rasijaj znoŭ stali ažyćciaŭlać pašpartny kantrol, była raspaŭsiudžanaja niekatorymi internet-resursami 22 maja. Niejkija śviedki, jakija pierasiakali ŭ hety dzień miažu pamiž Biełaruśsiu i Rasijaj, raskazvali ŭ internecie ab pavalnym pašpartnym kantroli, pierakryćci daroh šłahbaŭmami. Pry hetym nie paviedamlałasia, chto pravodziŭ hety kantrol — milicyja ci pamiežniki i na jakim baku — biełaruskim ci rasijskim.
    23 maja pres-sakratar Dziaržaŭnaha pahraničnaha kamiteta Biełarusi Alaksandr Ciščanka zajaviŭ, što nijakich pahraničnych mierapryjemstvaŭ, jakija b praduhledžvali ŭviadzieńnie pašpartnaha kantrolu na miažy z Rasijaj, nie pravodziłasia. Pavodle słoŭ Ciščanki, ludzi, jakich na miažy mahła zakranuć pravierka dakumientaŭ, chutčej za ŭsio, sutyknulisia z apieracyjaj «Pierachop». Takija mierapryjemstvy pravodziacca dla vyšuku, naprykład, vinavatych u DTZ, jakija ŭciakli ź miesca zdareńnia, dla vyšuku asob, jakija ŭčynili złačynstvy.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?