24 maja ŭ Vilni adkryjecca fotavystava «Pres-fota Biełarusi — 2012». Ekspazicyja raźmieścicca ŭ samym centry litoŭskaj stalicy — u skviery Adminiu, što ŭ pačatku praśpiekta Hiedymina.

Jak paviedamiŭ prezident maładziožnaj asacyjacyi StudAlliance Kirył Atamančyk, u ekspazicyju ŭvajšli niekatoryja zdymki finalistaŭ konkursu «Pres-fota Biełarusi — 2012», jaki pravodziŭsia ŭ Biełarusi treci raz. Arhkamitet atrymaŭ zajaŭki ad 90 udzielnikaŭ, jakija dasłali bolš čym 2,5 tys. fotazdymkaŭ na konkurs. Imiony pieramožcaŭ fotakonkursu stanuć viadomyja 26 maja.

«My sprabavali zrabić usio mahčymaje, kab fotazdymki zmahli ŭbačyć usie achvotnyja, tamu vystava maje vuličny farmat. Heta istotny momant dla taho, kab prezientavać praz pryzmu fotaabjektyva roznyja aśpiekty biełaruskaha žyćcia i paznajomić litoŭcaŭ z tym, što ciapier adbyvajecca za tryccać kiłamietraŭ ad Vilni», — prakamientavaŭ Atamančyk.

Vystava praciahniecca da 2 červienia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?