Eksparciorami biełaha cukru ŭ Biełarusi vyznačany čatyry pradpryjemstvy: adkrytyja akcyjaniernyja tavarystvy «Haradziejski cukrovy kambinat», «Žabinkaŭski cukrovy zavod», «Słucki cukrova-rafinadny kambinat» i «Skidzielski cukrovy kambinat».
Takoje rašeńnie pryniata pastanovaj Savieta Ministraŭ ad 18 maja 2012 hoda № 457.

Heta rašeńnie dziejničaje z 20 maja da 20 listapada 2012 hoda. Cukar bieły ekspartujecca pad kodam adzinaj Tavarnaj namienkłatury źniešnieekanamičnaj dziejnaści Mytnaha sajuza 1701 99 100.

Pastanova Saŭmina pryniata ŭ adpaviednaści z pahadnieńniem Mytnaha sajuza ab paradku ŭviadzieńnia i prymianieńnia mier, jakija zakranajuć źniešni handal tavarami, na adzinaj mytnaj terytoryi adnosna trecich krain ad 9 červienia 2009 hoda. U suviazi z hetym Dziaržaŭny mytny kamitet i Ministerstva ŭnutranych spraŭ pavinny pryniać miery pa niedapuščeńniu ekspartu cukru biełaha subjektami pradprymalnickaj dziejnaści. Ab pryniataj miery budzie paviedamlena Jeŭrazijskaj ekanamičnaj kamisii. Na jaje razhlad taksama budzie vyniesiena prapanova ab prymianieńni anałahičnaj miery i inšymi dziaržavami — udzielnicami Mytnaha sajuza.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?