Zamiežnaje pradpryjemtva pa vypusku łaka‑farbavaj pradukcyi ŭ Bieraści źmienić haspadara. U traŭni kantrolny pakiet akcyjaŭ niamieckaha pradpryjemstva «Kondar» atrymaje estonskaja firma «Eskara».

Pieramovy par nabyćcio nabyćcio estoncami pakietu akcyjaŭ bieraściejskaha pradpryjemstva pačalisia ad pačatku hodu. Pradstaŭniki «Eskara» zacikavilisia «Kondaram» z roznych pryčynaŭ: blizkaść da Ŭkrainy, čyj rynak estoncy aktyŭna asvojvajuć, a taksama niamieckuju jakaść pradukcyi «Kondaru». Pavodle słovaŭ pradstaŭnika bieraściejskaj firmy, estonskija partnery pilna vyvučali rynak cusiednich krainaŭ i ŭ vyniku paličyli najbolš spryjalnym biełaruska‑ŭkrainski varyjant supracoŭnictva. Im bolš impanuje naš, na ich dumku, bolš eŭrapejski mentalitet. Pradstaŭniki «Eskara» aznajomilisia z technalahijaj vytvorčaści na «Kondary», a kiraŭnictva apošniaha naviedała Talin.

Planujecca, što na bazie bieraściejskaha pradpryjemstva budzie ŭtovoranaja niamiecka‑estonskaja firma z zachavańniem raniejšaj nazvy. Pradukcyja «Kondaru» budzie raspaŭsiudžvacca pa raniejšych kanałach, a značnaja jaje častka nakirujecca va Ŭkrainu. Dla hetaha budzie pabudavany novy vytvorčy cech i źjaviacca dadatkovyja pracoŭnyja miescy.

Daviedka: Zamiežnaje pryvatnaje ŭnitarnaje vytvorčaje pradpryjemstva «Kondar» było stvoranaje ŭ 1997 h. Jano adnym ź pieršych stała rezydentam bieraściejskaj SEZ. Pradpryjemstva maje niamiecki kapitał, a jaje stvaralnikam i kiraŭnikom źjaŭlajecca niamiecki biznesmen Horst Helmut Beler. Pradukcyja «Kondaru» pastaŭlajecca na biełaruski rynak i ŭ susiednija krainy. Niekalki hadoŭ zapar pradpryjemstva vyjhraje tender na pastaŭku svaich farbaŭ dla padrychtoŭki respublikanskich i abłasnych kirmašoŭ‑festyvalaŭ «Dažynak». Pradpryjemstva stała zajmajecca dabračynnaj dziejnściu.

Vytvorča‑kamercyjnaje pradpryjemstva «Eskara» (ESKARO AS) zasnavanaje ŭ 1993 h., maje estonski kapitał. Zavody pradpryjemstva pracujuć na terytoryi Estonii i Rasiei. Handlovyja pradstaŭnictvy firmy dziejničajuć u Estonii, Biełarusi, Rasiei dy Ŭkrainie.

Клас
0
Панылы сорам
0
Ха-ха
0
Ого
0
Сумна
0
Абуральна
0