U Kijevie, Lvovie i Adesie 7 maja ŭstalavali pomniki Stalinu z pap'je-maše i anuč. «Pravadyr» byŭ vyjaŭleny sa spuščanymi portkami, nibyta ŭ pracesie spraŭleńnia małoj patreby.

Aŭtarami idei źjaŭlajucca pradstaŭniki partyi «Bractva», piša korrespondent.net.

«My vyrašyli zrabić pomniki mienavita Stalinu, jaki sikaje, pakolki ŭ Jeŭropie, u Bruseli, jość taki pomnik. Simvał Jeŭropy — chłopčyk, jaki sikaje. I my vyrašyli, što najbolš adpaviadać vobrazu hetaha histaryčnaha piersanaža budzie mienavita Stalin, jaki sikaje», — skazaŭ pradstaŭnik «Bractva» Vital Čorny.

Pavodle jaho słoŭ,

takaja forma była abranaja dla taho, kab u žartoŭnaj formie pieradać staŭleńnie ukraincaŭ da Stalina, i da toj napruhi, jakaja štohod uźnikaje va Ukrainie napiaredadni 9 maja.

Pomniki byli zroblenyja ŭ vyhladzie fihur u šyniali, u čałaviečy rost, pafarbavanych u załaty koler. Kab statui «sikali», jany byli abstalavanyja 1,5-litrovymi butelkami z vadoj na śpinie i kropielnicami.

«Pomniki» zdymała milicyja, pałamaŭšy ich na častki ŭ pracesie.

Heta nie pieršaja antystalinskaja akcyja va Ukrainie. Raniej na vulicach Zaparožža, u adkaz na toje, što miascovyja kamunisty pastavili la svajho ofisa biust Stalina, źjaŭlalisia biłbordy: «Ja zabiŭ miljony ukraincaŭ! A za što tabie pastaviać pomnik?» Sam toj biust u chutkim časie zastaŭsia biez hałavy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?