Kitajskija inviestary prajavili cikavaść da prajekta pa pramysłovym asvajeńni Lelčyckaha radovišča burych vuhalaŭ i stvareńnia na jaho bazie ćviordapaliŭnaj elektrastancyi, paviedamlaje sajt Ministerstva pryrodnych resursaŭ i achovy navakolnaha asiarodździa.

7 maja pradstaŭniki dziełavych kołaŭ Kitaja naviedali radovišča. Ich sustreča z pradstaŭnikami Minpryrody i inšych zacikaŭlenych ministerstvaŭ i viedamstvaŭ pa pytańni mahčymaha asvajeńnia radovišča prajšła 4 maja.

Kitajskamu boku była dadziena "vyčarpalnaja infarmacyja ab stanie spraŭ u śfiery pramysłovaha asvajeńnia Lelčyckaha radovišča burych vuhalaŭ dla nastupnaj padrychtoŭki technika-ekanamičnaha abhruntavańnia pa prajekcie". Pradstaŭniki dziełavych kołaŭ Kitaja adznačyli "vyčarpalny charaktar sustrečy i pradastaŭlenych materyjałaŭ", a taksama vykazali namier raźvivać supracoŭnictva ź Biełaruśsiu ŭ zhadanym kirunku.

Prajekt budaŭnictva vuhlezdabyvalnaha pradpryjemstva na bazie Lelčyckaha radovišča pradukcyjnaściu 1,8 młn. ton u hod patrabuje pryciahnieńnia 578,7 młn. dołaraŭ inviestycyj. Ekspłuatacyjnyja zapasy buraha vuhalu prajektavanaha hornazdabyŭnaha pradpryjemstva acenieny ŭ 35,715 młn. ton.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?