Kaviarnia CoffeeBox

HC «Stalica», pr. Niezaležnaści, paviljon 411

St. mietro Płošča Pieramohi, pr. Niezaležnaści, 39

+375 17 227-29-23

Płošča Niezaležnaści — miesca, viadomaje amal kožnamu biełarusu. Znakamitaja hetaja płošča nie tolki śniežańskimi padziejami 2010-ha, ale i svajoj architekturnaj vyraznaściu. Dom urada Łanhbarda, Čyrvony kaścioł, acalełyja prybytkovyja damy na Savieckaj, pryhožy fantan dy handlovy centr «Stalica» — voś što vabić siudy minčukoŭ i turystaŭ. Mienavita pra adnu z kaviarniaŭ u «Stalicy» i pojdzie havorka siońnia.

Kaviarnia CoffeeBox, jakaja mieścicca na najnižejšym uzroŭni handlovaha centra «Stalica», źjaŭlajecca pradstaŭnikom typovaha i ŭžo davoli zvykłaha prajekta dla Zachodniaj Jeŭropy: ścipły, ale pryhožy interjer, samaabsłuhoŭvańnie i najaŭnaść Wi-Fi — voś try kity, na jakich trymajucca ŭstanovy takoha kštałtu. Zvyčajna jany aryjentavanyja na moładź, a mienavita studentaŭ, u jakich kava i internet ščylna ŭvajšli ŭ kulturu pracy i adpačynku.

Što ŭnutry?

Nielha skazać, što interjer vyłučajecca niepaŭtornaściu: lohkija pryhłušanyja kolery, niedarahaja mebla, mnostva fotazdymkaŭ na ścienach — karaciej kažučy, nadziejny i pravierany na inšych ustanovach varyjant. Ale jość i toje, što vyłučaje CoffeeBox z hetaha šerahu — šmatlikija palicy, ź jakich kožny moža ŭziać šachmaty, damino i inšyja nastolnyja hulni. Da kavy mahčyma padabrać cikavuju knihu, jakuju potym navat dazvolena panieści dadomu (pry ŭmovie, što vy pakiniecie ŭ kaviarni nie mienš cikavuju zamienu). Pryjemna, što suśvietna viadomaja źjava pad nazvaj buk-krosinh dobra pryžyłasia i ŭ Minsku.

Što pa cenach?

Ceny ŭ CoffeeBox bolš «jeŭrapiejskija», čym «demakratyčnyja». Toj vypadak, kali dva hetyja słovy nie ŭžyvajucca razam i majuć absalutna rozny sens.

Voś niekatoryja prykłady:

Espresa — 10 890

Amierykana (120 h, 240 h) -12 120, 20 260 r Łate (200 h, 300 h, 400 h) -16 390, 18 610, 25 980.

Ajs kava — 23 010

Da kavy haściam prapanujucca roznyja davoli smačnyja kandytarskija vyraby ad 4 500 da 8 500 rub.

Majo mierkavańnie

CoffeeBox — heta kaviarnia, dzie pryjemna prabavić pieršuju pałovu dnia. Treba zajści, kab pahladzieć na fotavystavy, jakija tam časam ładziacca, pahulać u damino abo pačytać «Našu Nivu» pad kubačak smačnaj kavy. Nie maje sensu, kali vy šukajecie aryhinalnaści abo «pad ciskam» ekanomii.

* * *

Zvarotnaja suviaź z aŭtaram: [email protected].

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?