Maci Uładzisłava Kavalova ŭ intervju telekanału Biełsat prakamientavała rašeńnie ab nie prymianieńni pamiłavańnia jaje syna i Dźmitryja Kanavałava:

«Jany adpomścili majmu synu za toje, što jon skazaŭ praŭdu na sudzie, jany adpomścili mnie za toje, što ja jeździła ŭ Strasburh i raspaviała ŭsim, jak asudzili chłopcaŭ», — upeŭniena žančyna.

Jana ličyć, što niezdarma joj z dačkoj dazvolili ŭ niadzielu pabačyć Ułada i parazmaŭlać ź im ažno try hadziny:

«Jany ŭžo tady ŭsio viedali, i Uład viedaŭ, a ja ŭsio nijak nie mahła zrazumieć čamu ŭ jaho taki pozirk. Jon jaŭna štości mnie chacieŭ skazać.
Padčas teraktu zahinuła stolki ludziej i voś hetyja zabojcy zaraz pazbaviać žyćcia jašče i majho syna, i Dzimu».

Luboŭ Kavalova adznačaje, što rašeńnie pryniataje jašče da napisańnia nahladnaj skarhi. I dadaje, što siońnia advakat Stanisłaŭ Abraziej pavinien byŭ sustrecca sa svaim padabaronnym.

Adnak jaho nie dapuścili ŭ SIZA KDB da Uładzisłava Kavalova.

***

Łukašenka pastanaviŭ nie prymianiać pamiłavańnia da asudžanych na śmiarotnuju karu za teraryzm Dźmitryja Kanavałava i Uładzisłava Kavalova. Paviedamleńnie ab hetym prahučała ŭ viačernim vypusku prahramy «Panarama» na telekanale «Biełaruś 1».

Takoje rašeńnie Alaksandra Łukašenki abumoŭlena «vyklučnaj niebiaśpiekaj i ciažkaściu nastupstvaŭ dla hramadstva ad učynienych złačynstvaŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?