Paviedamleńnie ab 14 haładoŭnikach u minskim śledčym izalatary nie adpaviadaje rečaisnaści, zajavili BiełaPAN va ŭpraŭleńni infarmacyi i hramadskich suviaziaŭ MUS Biełarusi.

Jak paviedamlałasia raniej, u rasparadžeńnie infarmacyjna-aśvietnickaj ustanovy «Płatforma», jakoje zajmajecca prablemaj zachavańnia pravoŭ čałavieka ŭ pienitencyjarnaj sistemie, trapiła zajavu za podpisam 14 hramadzian, jakija znachodziacca ŭ staličnym SIZA.

Jany prachodziać abvinavačanymi pa kryminalnaj spravie ab dziejnaści arhanizavanaj złačynnaj hrupy ŭ Pastaŭskim rajonie (Viciebskaja vobłaść), jakoje ciapier słuchajecca ŭ Biełaruskim vajennym sudzie.

«Płatforma» taksama apublikavała ich proźviščy.

Zajava adrasavana hienieralnamu prakuroru Biełarusi. Z tekstu vynikaje, što kalektyŭnaja haładoŭka była abvieščanaja jašče 22 lutaha.

«U časie papiaredniaha rasśledavańnia našaj kryminalnaj spravy supracoŭnikami RUBAZ MUS, z maŭklivaj zhody śledčaha Vaškieviča S.P., byli dapuščanyja hrubyja parušeńni zakona, što vyjaviłasia ŭ falsifikacyi materyjałaŭ kryminalnaj spravy, cisku na śviedak, paciarpiełych, abvinavačanych, z metaj prymusić ich dać patrebnyja HUBAZ pakazańni, štučnym raździmańni značnaści našaha kryminalnaj spravy z metaj demanstracyi nibyta vysokich pakazčykaŭ svajoj pracy «, — skazana ŭ zajavie.

Hetyja fakty, pišuć abvinavačanyja, «znajšli paćvierdžańnie ŭ sudzie, dzie ŭ chodzie sudovych pasiadžeńniaŭ kala 60 śviedkaŭ, paciarpiełych, abvinavačanych dali kankretnyja pakazańni pra hruby cisk na ich z boku supracoŭnikaŭ HUBAZ z metaj schileńnia ich da dačy patrebnych pakazańniaŭ».

Paśla hetaha sud daručyŭ Hienprakuratury pravieści pravierku faktaŭ, vykładzienych u ich pakazańniach. «Adnak zamiest poŭnaj i ŭsiebakovaj pravierki vidavočnych faktaŭ biezzakońnia z boku HUBAZ supracoŭniki Hienieralnaj prakuratury abmiežavalisia vidavočnaj adpiskaj ab tym, što padčas pravierki nijakich parušeńniaŭ zakona nie vyjaŭlena. Pry hetym nichto ź śviedak, paciarpiełych, abvinavačanych, z tych, chto zaznaŭ cisk, navat nie byŭ apytany, nijakich pravieračnych mierapryjemstvaŭ nie pravodziłasia», — havorycca ŭ zajavie.

Jaje aŭtary padkreślivajuć, što «

paśla adpiski ad supracoŭnikaŭ Hienieralnaj prakuratury», im niama kudy bolš skardzicca. «My vyčarpali ŭsie mahčymaści damahčysia spraviadlivaści i atrymać hodnuju jurydyčnuju acenku biezzakońnia z boku HUBAZ MUS, što padšturchnuła nas da takoj krajniaj miery, jak abjaŭleńnie haładoŭki
», — padkreślivajecca ŭ zajavie.

Pa fakcie zajavy IAU «Płatforma» nakiravała zvaroty hienprakuroru, a taksama ŭ departamient vykanańnia pakarańniaŭ MUS i ŭ samo ministerstva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?