14 sakavika ŭ Minsku kala budynka Biełdziaržfiłarmonii aktyvisty «Zmieny» -- moładzievaha kryła kampanii «Havary praŭdu», praviali čarhovy palityčny pierformans -- "Na zvałcy historyi».

Akcyja adbyłasia, niahledziačy na ​​ŭzmacnieńnie represij suprać moładzievych lidaraŭ -- Paŭła Vinahradava (asudžany jašče na 7 sutak administracyjnaha aryštu, ciapier znachodzicca za kratami) i Alaksandra Arcybašava, jaki adbyŭ u turmie 17 sutak.

Pa paviedamleńni «Zmieny»,

sens akcyi ŭ tym, što rana ci pozna ŭłada ŭsio adno źmianiajecca, jak by ni čaplalisia za jaje asobnyja ludzi:
«Voś užo 18 hadoŭ ŭłada ŭ Biełarusi zasiarodžanaja ŭ rukach adnaho čałavieka. Pa jaho šlachu, miarkujučy pa vynikach niadaŭnich prezidenckich vybaraŭ, idzie i Rasija. Ale rana ci pozna ŭsich takich «doŭhaihrajučuju prezidentaŭ» narod vykidaje na zvałku historyi, jak my vykidvajem ŭ śmiećcievy bak dziravy abutak».
Valonki z prezidentami prastajali z paŭhadziny.
Potym stary abutak i partrety byli prybranyja supracoŭnikami milicyi. Pakul zatrymańniaŭ niama.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?