Premjer dziaržrady KNR Veń Cziabao zajaviŭ, što ŭ Kitai moža adbycca novaja «kulturnaja revalucyja» i kraina maje patrebu ŭ palityčnych strukturnych reformach, paviedamlaje aficyjnaje ahienctva «Sińchua».

Sa słovaŭ Cziabao, pa miery raźvićcia ekanomiki ŭ krainie zaradzilisia i takija novyja prablemy, jak niespraviadlivaść raźmierkavańnia bahaćciaŭ, karupcyja i raspusta.

«Ja hłyboka ŭpeŭnieny, što dla vyrašeńnia hetych prablem treba pravodzić nie tolki ekanamičnyja pieraŭtvareńni, ale i reformu palityčnaj sistemy. Biez hetaha my nie vyrašym prablemy kitajskaha sučasnaha hramadstva, i takaja histaryčnaja trahiedyja, jak kulturnaja revalucyja, moža paŭtarycca znoŭ», — zajaviŭ Cziabao.

«Kulturnaja revalucyja» 1966–1976 hadoŭ u Kitai była abvieščanaja Mao Czedunam jak kampanija pa likvidacyi inšadumcaŭ. U vyniku značnaja častka dumajučaha kiraŭnictva krainy, intelihiencyi była źniščana, da ŭłady pryjšła «banda čatyroch» pad kiraŭnictvam žonki Mao Czeduna Czian Cyn, kraina była ŭvierhnutaja ŭ palityčny i ekanamičny chaos.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?