13 sakavika Alena Kavalenka ad imia muža źviarnułasia z zajavaj u sud Pieršamajskaha rajona Viciebska da sudździ Aleny Žuk, jakaja sudziła Siarhieja Kavalenku. Žonka haładoŭščyka sprabuje damahčysia, kab jamu źmianili mieru strymańnia, što, na jaje dumku, moža dapamahčy spynić haładoŭku:

«Razumieju, što sudździa budzie ciahnuć čas. Dahetul maje chadajnictvy ŭ sud nie razhladalisia, bo, maŭlaŭ, ja nie źjaŭlajusia ŭdzielnikam pracesu. Tamu zaŭtra hetuju ž zajavu paŭtoryć jašče advakat».

Paradu źviarnucca ŭ sud Alenie Kavalency dali ŭ Hienieralnaj prakuratury, kudy žančyna źviartałasia ŭčora, 12 sakavika.

«Prakuratura nie vyrašaje hetaha, jany skazali. Kali b niezakonna ŭtrymlivali, biez dakumientaŭ, jany b umiašalisia. A tak — nie. Mnie patłumačyŭ taki načalnik Darožka, ź jakim ja ŭčora razmaŭlała».

Novych źviestak pra stan zdaroŭja muža ŭ Aleny Kavalenki niama.

Siarhiej Kavalenka asudžany na 2 hady i miesiac za parušeńnie ŭmovaŭ adbyćcia «chatniaj chimii», jakuju jamu prysudzili za vyviešvańnie bieł-čyrvona-biełaha ściaha na jołcy ŭ Viciebsku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?