Hałoŭny trenier minskaha Dynama Marek Sikora, jaki abjaviŭ pra zvalnieńnie z pasady adrazu paśla paražeńnia ŭ pieršym raŭndzie Kubka Haharyna ad maskoŭskaha «Dynama», viečaram 12 sakavika na sustrečy kamandy z zaŭziatarami pryznaŭsia, što hady raboty ŭ Minsku stali dla jaho adnymi ź lepšych u karjery.

Niahledziačy na nievykanańnie zadačy pa vychadu ŭ druhi raŭnd płej-of, 63-hadovy češski śpiecyjalist, jaki vyrašyŭ zaviaršyć trenierskuju karjeru, pačuŭ u svoj adras niamała ciopłych słoŭ jak ad zaŭziataraŭ, jakich pryjšło na sustreču amal 3,5 tys., tak i ad kiraŭnictva kłuba.

Naprykład, staršynia naziralnaha savieta kłuba Juryj Barodzič, padkreśliŭšy prafiesijanalizm Maraka Sikory, vykazaŭ nadzieju, što supracoŭnictva sa śpiecyjalistam pradoŭžycca ŭ niekalki inšaj jakaści, i zaprasiŭ čecha ŭ budučym siezonie naviedać matčy «Dynama» ŭ roli hledača: «My vielmi ŭdziačnyja hetamu prafiesijanalnamu trenieru, bo dva apošnija siezony kamanda ŭvachodzić u zonu płej-of. My ŭdziačnyja jamu za rabotu, jakuju jon zrabiŭ, i spadziajomsia, što naša supracoŭnictva pradoŭžycca. Zaŭsiody budziem rady bačyć Mareka tut na hulniach kamandy i zaŭsiody budziem pamiatać tyja dobryja adnosiny, jakija skłalisia pamiž nami — heta nazaŭsiody».

«Pavažanyja siabry, choču skazać, što trenier — heta kamanda, tamu dobryja słovy, jakija prahučali, nie tolki dla mianie. Jany datyčacca i kamandy. Dziakuj majoj kamandzie. Dziakuj usim, chto pryjšoŭ na hetu sustreču. Dva siezony, jakija ja adpracavaŭ u Minsku, — adny z samych lepšych u maim spartyŭnym žyćci. Vydatny horad, vydatnaja „Minsk-Arena“, samyja-samyja lepšyja zaŭziatary z usich, jakich mnie daviałosia bačyć. Jašče raz ŭsim pakłońnikam vialiki dziakuj. Spadziajusia, my jašče ŭbačymsia na matčach minskaha „Dynama“, ja, napeŭna, pryjedu pahladzieć na kamandu», — skazaŭ Marek Sikora.

Pad kiraŭnictvam češskaha nastaŭnika minskaje «Dynama» ŭ minułym hodzie ŭpieršyniu vyjšła ŭ plej-of čempijanatu KCHŁ, dzie ŭ pieršym raŭndzie dastojna zmahałasia ź pieramožcam Zachodniaj kanfierencyi jarasłaŭskim «Łakamatyvam», ustupiŭšy tolki ŭ sieryi z 7 matčaŭ. U hetym siezonie minskaje «Dynama» pakazała lepšy ŭ čatyrochhadovaj historyi vystupleńnia ŭ Kantynientalnaj chakiejnaj lizie vynik u rehularnym čempijanacie — 83 ački ŭ 54 matčach. Kamanda zaniała 6-je miesca ŭ Zachodniaj kanfierencyi i 13-je — u zvodnaj tablicy siarod usich 23 kłubaŭ lihi. Praŭda, u plej-of minčanie ŭ hetym hodzie vystupili horš, čym hod tamu, vybyŭšy z baraćby ŭ pieršym raŭndzie paśla čatyroch matčaŭ, prajhraŭšy maskoŭskamu «Dynama» — 1:2 u aviertajmie i 0:2 u Maskvie, a taksama 2:4 i 1:3 u Babrujsku.

Jašče adnym dasiahnieńniem «Dynama» staŭ novy rekord siaredniaj naviedvalnaści čempijanataŭ KCHŁ, ustanoŭleny dynamaŭskimi balelščykami na «Minsk-Arenie». Amal na ŭsich damašnich matčach trybuny byli zapoŭnieny. Damašnija matčy kamandy naviedali 395 tys.672 hledačy. Siaredniaja naviedvalnaść pajadynkaŭ «Dynama» na trybunach «Minsk-Areny» skłała 14 tys. 197 čałaviek, što bolš čym na 3,6 tys. pierasiahnuła dasiahnieńnie minułaha siezona (10 tys.538).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?