Prem'jer-ministr Michaił Miaśnikovič zaprasiŭ biźniesmienaŭ Abjadnanych Arabskich Emirataŭ udzielničać u pryvatyzacyjnych pracesach u Biełarusi.

Jak paviedamlaje pres-słužba ŭrada, takaja prapanova prahučała 21 lutaha ŭ Dubai na sustrečy Miaśnikoviča z prem'jer-ministram, vice-prezidentam, ministram abarony AAE, kiraŭnikom emirata Dubaj šejcham Muchamiedam bien Rašedam al-Maktumam. Na sustrečy prysutničali spadčynny prync Dubaja, kiraŭniki šerahu fiederalnych ministerstvaŭ AAE, členy ŭrada emirata Dubaj, kiraŭnictva palicyi i viadučyja biźniesmieny.

Padčas pieramoŭ razhladalisia pierśpiektyvy raźvićcia biełaruska-emirackaha supracoŭnictva ŭ ekanamičnaj i kredytna-inviestycyjnaj śfierach, zakranalisia pytańni naładžvańnia ŭzajemadziejańnia ŭ halinie navuki, sportu, adukacyi i turyzmu. «Biełaruś zacikaŭlena ŭ stratehičnych inviestarach i nadziejnych partniorach, u asobie jakich moža vystupić emiracki biźnies», — cytuje Miaśnikoviča pres-słužba.

Na sustrečy «adznačałasia metazhodnaść vyznačeńnia najbolš pierśpiektyŭnych kirunkaŭ inviestycyjnaha supracoŭnictva z metaj vychadu na kankretnyja prajekty ŭ roznych halinach užo najbližejšym časam».

Kiraŭnik Dubaja daručyŭ sfarmiravać hrupu ekśpiertaŭ i prapracavać mahčymyja kirunki supracoŭnictva ź Biełaruśsiu.

Na razhlad emirackaha boku taksama ŭniesiena prapanova ab stvareńni sumiesnych navukova-adukacyjnych centraŭ na terytoryi Biełarusi i AAE i raźvićci supracoŭnictva ŭ halinie radyjoelektroniki, infarmatyki, bijatechnałohij.

Jak paviedamlaje pres-słužba, baki damovilisia, što najbližejšym časam Biełaruś naviedaje hrupa emirackich ekśpiertaŭ pa profilnych kirunkach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?