Nacyjanalny akademičny kancertny arkiestr Biełarusi ŭnikalny. Takoje mierkavańnie vykazaŭ siońnia ministr kultury Pavieł Łatuška, vinšujučy narodnaha artysta Biełarusi, łaŭreata Dziaržaŭnaj premii, prafiesara, adnaho z samych aktyŭnych prapahandystaŭ nacyjanalnaj muzyki Michaiła Finbierha z 65-hodździem.

Pavieł Łatuška vykazaŭ padziaku kalektyvu arkiestra, jaki ŭ hetym hodzie adznačaje 25-hodździe, i adznačyŭ vialikuju važnaść jaho raboty na karyść ajčynnaj kultury. Pavodle słoŭ ministra, rabotu arkiestra na čale ź jaho kiraŭnikom faktyčna možna akreślić dvuma klučavymi słovazłučeńniami: nacyjanalnaja kultura i vysoki prafiesijanalizm. «Vy — unikalny kalektyŭ dla našaj kultury, — padkreśliŭ ministr, źviartajučysia da supracoŭnikaŭ arkiestra. — Vam paščaściła, što vami kiruje mienavita Michaił Jakaŭlevič — vyklučnaja asoba, čałaviek, jaki z takoj samaachviarnaściu addaje ŭsiaho siabie biełaruskaj kultury». Ministr taksama źviarnuŭ uvahu na toj fakt, što kalektyŭ šmat uvahi ŭdzialaje mienavita rehijonam krainy, kudy časta pryjazdžaje z kancertami i fiestyvalami. Pavieł Łatuška ŭručyŭ Michaiłu Finbierhu vyšejšuju ŭznaharodu viedamstva — nahrudny znak za ŭkład u raźvićcio ajčynnaj kultury.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?