Jak paviedamlaje ŭ svaim tvitary Andrej Dźmitryjeŭ, na znak pratestu suprać aryštu Vinahradaŭ abviaściŭ haładoŭku. Nahadajem, što aktyvista zatrymali ŭčora ŭviečary. Tolki paśla 3 hadzin nočy žonka vyśvietliła, što Vinahradaŭ znachodzicca ŭ turmie na Akreścina.

Jość mierkavańnie, što nahodaj dla zatrymańnia aktyvista stała ŭčorašniaja ŠOS-akcyja kala Doma ŭrada, jakuju praviali junaki inicyjatyvy "Havary praŭdu!".

Vinahradava sudziać za cacačnuju akcyju kala Minharvykankama, jakaja prajšła tydzień tamu. Miakkija cacki z raznastajnymi nadpisami byli vystaŭlenyja na aŭtobusnym prypynku na Płoščy Niezaležnaści.

U sudzie Vinahradaŭ paviedamiŭ, što milicyjanta, jaki daje pakazańni, jon bačyć druhi raz u žyćci. Pieršy raz aktyvist bačyŭ jaho ŭ pastarunku ŭčora. Pa słovach Vinahradava, jon nie prymaŭ udziełu ŭ cacačnaj akcyi.

U sudzie zatrymali Alaksandra Arcybašava. Jon pryjšoŭ, kab pieradać pieradaču Vinahradavu. Pavodle papiarednich źviestak, Arcybašava vinavaciać taksama ŭ cacačnaj akcyi, a taksama ŭ parušeńni praviłaŭ vuličnaj akcyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?