Da šaści hadoŭ pazbaŭleńnia voli z kanfiskacyjaj majomaści i pazbaŭleńniem prava zajmać pasady, źviazanyja z arhanizacyjna-rasparadčymi funkcyjami, terminam na piać hadoŭ pryhavorany sudom Savieckaha rajona horada Homiela Rusłan Hapiejeŭ — były dyrektar AAT «Miedpłast» kancerna «Biełnaftachim».

Jak paviedamili ŭ pres-hrupie Upraŭleńnia KDB pa Homielskaj vobłaści, 36-hadovy Hapiejeŭ pryznany vinavatym u atrymańni chabaru ŭ asabliva bujnym pamiery.

Jon byŭ zatrymany supracoŭnikami KDB u listapadzie 2009 hoda. Niezakonnaje hrašovaje ŭznaharodžańnie ŭ pamiery 32 tysiač dołaraŭ pryznačałasia za spryjalnaje vyrašeńnie pytańnia ab vybary pastaŭščyka technałahičnaha abstalavańnia dla «Miedpłasta». U pryvatnaści, razmova išła pra nabyćcio bałonaŭ, pryznačanych dla zachoŭvańnia i transparciroŭki vokisu etylenu.

U sudzie dakazana, što dziakujučy chabaru tendar na pastaŭku abstalavańnia «vyjhrała» zahadzia vyznačanaja zamiežnaja kamiercyjnaja struktura. Pry hetym AAT «Miedpłast» pa zavyšanaj u niekalki razoŭ canie zakupiła abstalavańnie, jakoje nie adpaviadała nieabchodnym techničnym charaktarystykam.

Jak ukazana ŭ akcie pravierki asobnych pytańniaŭ finansava-haspadarčaj dziejnaści «Miedpłasta», padrychtavanym kantrolna-revizijnym upraŭleńniem «Biełnaftachima», heta AAT nie mieła prava prymać zhadanyja bałony — jany nie adpaviadali standartam pa maksimalnym rabočym cisku, taŭščyni ścienak i rabočamu cisku.

Inšymi słovami, heta technałahičnaje abstalavańnie nielha było vykarystoŭvać dla zachoŭvańnia i pieravozki vokisu etylenu z-za taho, što jaho ścienki nie vytrymali b rabočaha cisku hazu, jaki lohka zaharajecca i ŭtvaraje z pavietram vybuchovaniebiaśpiečnyja sumiesi.

Svoječasova spynieńnie supraćpraŭnaj dziejnaści Hapiejeva dazvoliła paźbiehnuć uźniknieńnia na pradpryjemstvie nadzvyčajnych zdareńniaŭ. Technałahičnaje abstalavańnie, jakoje nie adpaviadaje patrabavańniam, nie było vykarystana.

Sud taksama nie pakinuŭ biez uvahi dziejańni hramadzianina, jaki vystupaŭ pradstaŭnikom kamiercyjnaj struktury, što pastaviła niajakasnaje abstalavańnie. Jon pryznany vinavatym u davańni chabaru byłomu kiraŭniku «Miedpłasta» i pryhavorany da pazbaŭleńnia voli terminam na try z pałovaj hady.

Pryhavor suda ŭvajšoŭ u zakonnuju siłu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?