U pierśpiektyvie ŭ Minsku muziej Vasila Bykava ź`iavicca. Pra heta ŭ interv`iu BiełaPAN paviedamiŭ namieśnik ministra kultury Biełarusi Tadevuš Stružecki.

«Dumaju, u pierśpiektyvie (i jana nie pavinna raściahvacca na dziesiacihodździ) muziej Bykava ź`iavicca. Dla hetaha patrebna dakładna vyvučyć jaho litaraturnuju spadčynu, mieć dastatkova muziejnych pradmietaŭ, znajści adpaviednaje pamiaškańnie», — zaznačyŭ jon.

Pavodle słoŭ Stružeckaha, «imia Bykava — adzin ź simvałaŭ nie tolki nacyjanalnaj litaratury, ale i Biełarusi ŭvohule». «Spadčyna Vasila Bykava pavinna być ušanavana, zapatrabavana. Śpiecyjalnaja ekspazicyja, pryśviečanaja Bykavu, zaraz raźmieščana ŭ Dziaržaŭnym muziei historyi biełaruskaj litaratury. Darečy, hety muziej aktyŭna vyvučaje i źbiraje spadčynu Bykava», — adznačyŭ namieśnik ministra.

Nahadajem, hramadskija inicyjatyvy ŭžo praciahły čas damahajucca stvareńnia ŭ Minsku muzieja Bykava, a taksama pierajmienavańnia adnoj z centralnych vulic u vulicu piśmieńnika. Naprykład, kampanija «Havary praŭdu!», jakuju ŭznačalvaje paet Uładzimir Niaklajeŭ, były kandydat u prezidenty Biełarusi, nieadnarazova pravodziła akcyi pa pierajmienavańni vulicy Uljanaŭskaja ŭ vulicu Bykava. Byli sabranyja i pieradadzienyja haradskim uładam bolš za sotniu tysiač podpisaŭ u padtrymku pierajmienavańnia. Adnak aktyvisty kampanii atrymali adkaz ź Minharsavieta, što pytańnie nie aktualnaje, nie chapaje hrošaj, i što, mahčyma, kali-niebudźjakim-niebudźmikrarajonie-novabudoŭli Minska ź`iavicca vulica Bykava.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?