Viciebski aktyvist Kansiervatyŭna-chryścijanskaj partyi — BNF Siarhiej Kavalenka praciahvaje haładoŭku. Ab hetym BiełaPAN paviedamiła jaho žonka Alena Kavalenka.

Pavodle jaje słoŭ, 23 studzienia Siarhieja Kavalenku naviedaŭ advakat. «Advakat mnie skazaŭ, što Kavalenka vyhladaje drenna. Jon źniasileny, ale, niahledziačy na toje, što jaho prymusova kormiać, sam ježu prymać admaŭlajecca. Pavodle jaho słoŭ, heta jaho sposab i mietad baraćby suprać biezzakonnaści», — skazała Alena Kavalenka.

Jana adznačyła, što Siarhieja Kavalenku pieraviali ŭ adzinočnuju kamieru, i ź im praktyčna niama nijakaj suviazi. «Ja taksama chadziła siońnia ŭ SIZA, ale vadu dla Siarhieja mnie znoŭ nie dazvolili pieradać», — skazała Alena.

«Vadu jon, napeŭna, pje, inakš by nie trymaŭsia tak doŭha. Raniej mnie havaryli, što jon moža kuplać vadu ŭ łarku SIZA. Adnak nakolki jon ciapier transpartabielny i ci moža chadzić za vadoj — vialikaje pytańnie», — adznačyła Alena.

Pavodle jaje słoŭ, advakat pieradaŭ Siarhieju Kavalenku pažadańni ŭdzielnikaŭ kanfierencyi pa vyzvaleńni palitźniavolenych, jakaja prajšła 19 studzienia ŭ Minsku, z tym kab jon spyniŭ haładoŭku. «Adnak jon pakul haładoŭku nie spyniaje», — adznačyła jana.

Siarhiej Kavalenka z 19 śniežnia 2011 hoda znachodzicca ŭ SIZA i z 20 śniežnia pravodzić haładoŭku ŭ znak pratestu suprać svajho zatrymańnia. Jon byŭ zatrymany ŭ ramkach raspačataj u dačynieńni da jaho spravy pa artykule 415 Kryminalnaha kodeksa (uchileńnie ab adbyvańnia pakarańnia ŭ vyhladzie abmiežavańnia voli). Aktyvistu pahražaje da troch hadoŭ pazbaŭleńnia voli. Padstavaj dla hetaha stali nibyta čatyry parušeńni, jakija Kavalenka ŭčyniŭ, adbyvajučy pakarańnie.

Kavalenku nieadnarazova zatrymlivała milicyja za arhanizacyju roznych akcyj. U mai 2010 hoda sud Kastryčnickaha rajona Viciebska pryhavaryŭ jaho da troch hadoŭ pazbaŭleńnia voli ŭmoŭna za vyviešvańnie bieł-čyrvona-biełaha ściaha na hałoŭnaj jołcy Viciebska 7 studzienia. Hety ŭčynak byŭ kvalifikavany ŭładami jak !naŭmysnyja dziejańni, jakija hruba parušajuć hramadski paradak i vykazvajuć jaŭnuju niepavahu da hramadstva».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?