23 studzienia ŭ Minsku adbyłasia pres-kanfierencyja staršyni respublikanskaha savieta hramadskaha abjadnańnia «Biełaruskaje dobraachvotnaje tavarystva achovy pomnikaŭ historyi i kultury» Antona Astapoviča i jaho kaleh pa prablemach vykanańnia zakanadaŭstva ŭ śfiery achovy historyka-kulturnaj spadčyny pry praviadzieńni rabot na kompleksnaj nieruchomaj materyjalnaj historyka-kulturnaj kaštoŭnaści 1-j katehoryi «Histaryčny centr Minska».

Pavodle słoŭ Astapoviča, pačynajecca novy vitok rabot u histaryčnym centry Minska, a dakładniej, zabudova pravaha boku vulicy Handlovaj.

«Znajšlisia try inviestary, — udakładniŭ jon, — ź jakimi Minharvykankam zaklučyŭ inviestycyjnuju damovu na zasvajeńnie hetaj terytoryi. I niahledziačy na toje, što va ŭmovach damovy praduhledžana abaviazkovaje pieraniasieńnie mahistralnych inžyniernych sietak — heta kalektar, jaki raniej nie dazvalaŭ zaprajektavać histaryčnuju šyryniu vulicy, — sučasny eskizny prajekt nie adpaviadaje nivodnamu narmatyvu Zakona ab achovie historyka-kulturnaj spadčyny, nie adpaviadaje rehłamientam detalovaha płana rekanstrukcyi, restaŭracyi, adnaŭleńnia i ŭparadkavańnia histaryčnaha centra Minska. I tamu naša hramadskaje abjadnańnie źviartajecca va ŭsie dziaržaŭnyja orhany kiravańnia, kab naładzić nie tolki narmalny praces prajektavańnia, ale i hramadskaje abmierkavańnie užo pradstaŭlenaha i abmierkavanaha ŭ vieraśni na navukova-mietadyčnaj radzie pry Ministerstvie kultury eskiznaha prajekta zabudovy pravaha boku vulicy Handlovaj».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?