Jeŭrapiejski sajuz uvioŭ embarha na pastaŭki nafty i naftachimičnaj pradukcyi ź Irana. Embarha pačnie dziejničać ź lipienia, a novyja kantrakty nielha budzie zaklučać ŭžo ciapier. Krychu raniej stała viadoma, što ŭsie 27 krain ES u cełym ŭchvalili embarha, ab hetym paviedamlali krynicy ahienctva France-Presse.

Aficyjnaje rašeńnie budzie abvieščana ŭ paniadziełak viečaram.

Sankcyi ŭstupiać u siłu nieadkładna dla novych kantraktaŭ. Isnujučyja buduć dziejničać da lipienia.

Akramia hetaha, ES uzhadniŭ sankcyi ŭ dačynieńni da Centrabanka Irana i 8 dziaržkampanij krainy. Nieabchodnaść zachavańnia mier pavinna być paćvierdžana dadatkova da 1 maja.

Embarha moža vyklikać značnyja źmieny ŭ palityčnym i finansavym stanoviščy śvietu.
Iran raniej pahražaŭ błakadaj Armuzskaha pralivu ŭ vypadku novych sankcyj. Kali takaja błakada budzie ŭviedziena, heta budzie aznačać vajenny kanflikt miž krainami Zachadu i ich arabskimi sajuźnikami, dy Isłamskaj Respublikaj. Adnak mała chto vieryć, što Tehieran pojdzie na takuju sprobu siłaŭ. U toj ža čas deficyt nafty na rynku moža pryvieści da novaha rostu cenaŭ, što zdatna destabilizavać i biez taho chistkuju finansavuju situacyju słabiejšych krain Jeŭropy. Imavierna, Saudaŭskaja Aravija, Bachrejn i Katar rezka pavialičać pastaŭki nafty na suśvietny rynak, kab utrymać ceny.

U vypadku ž kali embarha akažacca paśpiachovym, Iranu ŭ pierśpiektyvie pahražaje jašče bolšaja izalacyja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?