Jak paviedamlaje interfax.by, 21–22 studzienia aparatar suviazi MTS pravodziŭ techničnyja pracy. Tamu ŭ šeraha abanientaŭ źjaviłasia prablema — niekarektna adlustroŭvaŭsia bałans, byli zabłakavanyja zvanki.

Datelefanavacca da słužby padtrymki i ciapier atrymlivajecca nie va ŭsich karystalnikaŭ mabilnaj suviazi, z čyich rachunkaŭ raptam źnikli hrošy. Pa słovach rabotnikaŭ kampanii, ciapier idzie pavyšanaja nahruzka na numar 0890.

Prablemy ŭźnikli ŭ tych, chto karystaŭsia mabilnym internetam. Niahledziačy na aktyvizavanyja pakiety trafiku, hrošy śpisvalisia pa inšych taryfach. Apieratar zahadzia paviedamlaŭ pra zapłanavanyja pracy i raiŭ zahadzia pakłaści hrošy na rachunak, bo bilinh budzie časova niedastupny. Adnak, vidać, situacyja vyjšła z-pad kantrolu.

Kali prablema budzie vyrašana, nie paviedamlajecca.

Niekatoryja abanienty MTS atrymali na rachunak 20–50 tysiač rubloŭ abiacanaha płaciaža. Heta dazvolić im ździajśniać razmovy, pakul budzie iści raźbiralnictva nakont śpisańnia hrošaj.

Jak paviedamiła pres-słužba STAA «Mabilnyja TeleSistemy», zboj adbyŭsia z techničnych pryčynaŭ. «U suviazi z ažyćciaŭleńniem płanavych rabot po pašyreńni funkcyjanała bilinhu MTS dla niekatorych abanientaŭ apracoŭka zajavak na dadavańnie/vydaleńnie pasłuh, zdymańnie błakirovak, zaličeńnie płaciažoŭ pravodzicca z zatrymkaj. My pracujem z kožnym indyvidualnym abanienckim vypadkam, usie pytańni abanientaŭ buduć vyrašanyja ŭ najbližejšy čas. Pry hetym źviartajem uvahu, što ŭ cełym sietka MTS u Biełarusi pracuje ŭ štatnym režymie», — adznačyli ŭ pres-słužbie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?