XXIII Muzyčny prajekt «Minski džaz — 2012» budzie pradstaŭleny uvazie staličnych słuchačoŭ 23–25 ​​studzienia,
paviedamiŭ kiraŭnik Nacyjanalnaha kancertnaha arkiestra Biełarusi, prafiesar Michaił Finbierh.

«Džaz — unikalnaja źjava, vielmi składany vid mastactva, vykanańnie jakoha moža źjadnać nie prosta adnadumcaŭ, ale sapraŭdnych prafiesijanałaŭ, ludziej, ulubionych u svaju prafiesiju», — adznačyŭ Michaił Finbierh. Pavodle jaho słoŭ, džaz — internacyjanalnaje mastactva, jakoje razumiejuć va ŭsim śviecie. «Vielmi pryjemna, što z 1939 hoda minułaha stahodździa prafiesijny džaz źjaviŭsia i ŭ našaj krainie — jaho ŭznačaliŭ zasłužany artyst Biełarusi, dyryžor, kampazitar, trubač i šoŭmen Edzi Roźnier», — skazaŭ maestra.

Siońnia Nacyjanalny kancertny arkiestr praciahvaje tradycyju, raspačatuju bolš za 70 hadoŭ tamu, i vykonvaje kampazicyi viadomych va ŭsim śviecie kampazitaraŭ, muzykaŭ, aranžyroŭščykaŭ.

«U hetym hodzie my padrychtavali prahramu, jakaja znajomić z muzykaj XXI stahodździa.
Jana jašče nie vykonvałasia na postsavieckaj prastory i isnuje paraŭnalna niadoŭha», — raspavioŭ surazmoŭca.
Tak, 23–24 studzienia ŭ Kłubie imia Dziaržynskaha prahučać šedeŭry suśvietnaha džaza.
Akramia taho, 24 studzienia šosty raz budzie ŭručana premija «Najlepšy džaźmien hoda». Zavieršyć muzyčnuju prahramu 25 studzienia kancert jeŭrapiejskaha džaza ŭ vykanańni litoŭskaha bih-benda.

Nacyjanalnamu kancertnamu arkiestru Biełarusi spoŭnicca ŭ lutym 25 hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?