Sustaršynia arhkamitetu pa stvareńni partyi «Biełaruskaja Chryścijanskaja Demakratyja» Pavał Sieviaryniec kamientuje dyskusii vakoł udziełu ci niaŭdziełu ŭ tak zvanych «parłamienckich vybarach».

«Nijakich ni parłamienckich, ni inšych vybaraŭ u Biełarusi, na žal, niama. Jość biezzakonny režym, hłyboki ekanamičny kryzis, sproba stvareńnia novaha Savieckaha Sajuzu „pad Pucina“ — a vybaraŭ niama. I bolšaść biełarusaŭ na toje mierapryjemstva, jakoje arhanizoŭvaje Jarmošyna, ciapier užo dakładna nie pojdzie. Tym bolš, u turmie siadziać palitviaźni.

Kandydaty na takich „parłamienckich vybarach“ sami ryzykujuć trapić za kraty ŭ jakaści novych palityčnych zakładnikaŭ. Dla ŭdziełu ŭ kampanii 2012 hoda palityčnaja abstanoŭka pavinna być zusim inšaj. Adzinaje, što zastajecca dla biełaruskich demakratyčnych siłaŭ — bajkot. Niaŭžo heta kamuści jašče nie zrazumieła?», — adznačyŭ jon.

«Darečy, paraiŭ by „šaściorcy“ demakratyčnych siłaŭ abo prydumać pryhožuju nazvu, abo pieratvarycca, prynamsi, u siamiorku. A to ŭžo za apazicyju zusim niajomka», — padkreśliŭ Pavieł Sieviaryniec.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?