Čarhovy pracoŭny tydzień ŭ Homieli znoŭ vyjaviŭ adsutnaść u haradskich kramach śvininy i jałavičyny.

U bujnoj kramie «Asarci» na vulicy Pieramohi ŭ prodažy mielisia tolki kury. Ni śvininy, ni jałavičyny.

Dyrektar kramy Vasil Šaŭčuk: «Dziesiać chvilin tamu ŭ mianie pryniali zajaŭku na śvininu. Chutka budzie. Miasakambinaty spasyłajucca na niachvatku syraviny. My zajaŭku dajem pastajanna. Kali byvaje mahčymaść, jaje vykonvajuć. Imkniemsia pracavać z usimi vytvorcami, ale jak atrymlivajecca, toje i majem. Vidać, jość niejkija časovyja ciažkaści — nam nie tłumačać.

Prosta spasyłajucca na niedachop syraviny».

Vielmi markotna vyhladaje miasnaja vitryna ŭ kramie «Rodnaja staronka» na praśpiekcie Lenina. Uražańnie takoje, što tut daŭno nastupiŭ «lednikovy pieryjad». Vyrazna bačny chiba tolki śvinyja nohi, inšaje navat ciažka razabrać. Tłumačeńni daje zahadčyca kramy: «Heta — farš, nohi. Što tam u nas dalej idzie? Nyrki. Subpradukty ŭ nas taksama nie ŭsie i nie zaŭsiody. Zajaŭki miasakambinat nie ŭsie vykonvaje. U asnoŭnym biarem z homielskaha. Jak tłumačać na miasakambinacie,

zaraz u ich niama syraviny».

Raznastajnaściu nie vyznačajecca i miasnaja vitryna firmovaj kramy Homielskaha miasakambinata, što mieścicca na praśpiekcie Lenina, za dźvieście mietraŭ ad abłvykankama. Na vitrynie — salnaja śvinina pa 25 tysiač rubloŭ, eskałop u łatočku i subpradukty.

Dyrektarka kramy ad kamientaru admaŭlajecca. Zatoje pradavačka kaža, što jašče zusim niadaŭna asartymient pradukcyi byŭ značna lepšym: «U nas jašče tydzień tamu była palandvica, asobna šyjnaja častka, eskałopnaja, filejka cełaja.

Byli, byli, ale ŭžo ŭsio pradali. Zaraz, vidać, niama zapasaŭ».

Biedna vyhladali i vitryny firmovaj kramy saŭhasa-kambinata «Sož» na vulicy Kirava. Lažali bačok parasiaciny, subpradukty i dźvie vialikija śvinyja hałavy.

U kamiercyjnym adździele kambinatu «Sož» adsutnaść miasnoha asartymientu ŭ svaich kramach tłumačać prosta: zabojny cech časova nie pracuje, da vieraśnia śvińni padrastajuć: «Na dadzieny momant u nas zakryty zabojny cech, tamu my nie zabiaśpiečvajem. Kazali, što da vieraśnia. Dumaju, u siaredzinie vieraśnia ŭsio budzie. Časova prosta začynieny, pakul padhadoŭvajem śviniej».

Hamialčuk, jaki naviedvaŭ firmovuju kramu, hetak vykazaŭsia adnosna deficytu miasa: «U horadzie nidzie niama miasa.

Sprava ŭ tym, što jaho skuplajuć rasijanie i chachły. Miasa źnikła z pryłaŭkaŭ».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?