MZS Rasiei vystupiła z zajavaj z nahody vykazvańniaŭ pasła ZŠA ŭ Biełarusi.

U paviedamleńni zamiežnapalityčnaha viedamstva Rasiei padkreślivajecca, što Rasieja, nastojvajučy na novych umovach ekspartu enerharesursaŭ u Biełaruś, kirujecca rynačnymi pryncypami, a nie zajmajecca šantažom, jak miarkuje pasoł ZŠA ŭ Miensku.

«Viadoma, što zaraz viaducca dvuchbakovyja pieramovy pa dalejšym raźvićci našych uzajemadačynieńniaŭ u enerhietyčnaj sfery. Pry hetym adnym z bazavych pryncypaŭ u padychodach bakoŭ jość pieravod supracoŭnictva na ŭniversalnyja rynačnyja pryncypy. Vysoŭvać za heta paproki ŭ bok Rasiei, vinavacić jaje ŭ šantažy – značyć stavić usio dahary nahami, pieraśledujučy niejkija svaje mety, dalokija ad sapraŭdnaha kłopatu pra Biełaruś», – śćviardžaje rasiejskaje MZS.

19 śniežnia pasoł ZŠA ŭ Biełarusi Karen Ściuart, kamentujučy pieramovy pamiž Biełaruśsiu i Rasiejaj pa enerhietyčnych pytańniach, zajaviła, što «enerhietyka nie pavinna vykarystoŭvacca ŭ jakaści zbroi ŭ miždziaržaŭnych dačynieńniach».

Taksama jana zajaviła, što ZŠA nie pryznajuć vynikaŭ mahčymaha referendumu pra abjadnańnie Biełarusi j Rasiei, bo biełaruski narod nia maje siońnia mahčymaści svabodnaha vyjaŭleńnia voli.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?