Z časoŭ Druhoj suśvietnaj vajny ŭ Minsku zastalisia zbudavańni, prachodziačy mima jakich, minčuki inšym razam navat nie zdahadvajucca, što heta redkija vajennyja pomniki. I što samaje cikavaje, niekatoryja mohuć zajści ŭ adzin z hetych pomnikaŭ nie vychodziačy sa svajoj kvatery.

Praśpiekt Pieramožcaŭ, 23

Praśpiekt Pieramožcaŭ, 23

Praśpiekt Niezaležnaści, 25

Praśpiekt Niezaležnaści, 25

Vulica Čarnyšeŭskaha, 12

Vulica Čarnyšeŭskaha, 12

Vulica Čarnyšeŭskaha, 12

Vulica Čarnyšeŭskaha, 12

Alaksandr Bazarnaŭ

Alaksandr Bazarnaŭ

Vulica Staražoŭskaja, 15

Vulica Staražoŭskaja, 15

Vulica Staražoŭskaja, 15

Vulica Staražoŭskaja, 15

Vulica Drazda, pamiž damami № 7 i № 17

Vulica Drazda, pamiž damami № 7 i № 17

Vulica Drazda, pamiž damami № 7 i № 17

Vulica Drazda, pamiž damami № 7 i № 17

Jak pamiać ab Druhoj suśvietnaj vajnie ŭ Minsku zastalisia doŭhačasovyja abarončyja punkty, ci, inakš kažučy, doty, jakich u stalicy kaliści było niekalki dziasiatkaŭ. 3 lipienia 1944 hoda, kali savieckija vojski ŭvajšli ŭ Minsk, hetyja bietonnyja zbudavańni roznaj formy ŭzvyšalisia na ŭsich hałoŭnych punktach horada.

Praśpiekt Pieramožcaŭ, 23

Alaksandr Bazarnaŭ, navukovy kiraŭnik «Linii Stalina», historyk, fartyfikatar:

Heta niamiecki dot z dvuchjarusnymi ambrazurami. Ciapier pobač idzie budoŭla, i pryjemna, što jaho nie stali znosić abo ŭzryvać — jon zastajecca jak pamiać pra vajnu.

Praśpiekt Niezaležnaści, 25

Dalej pieraniasiemsia na praśpiekt Niezaležnaści, 25, dzie pobač z muziejem historyi Vialikaj Ajčynnaj vajny znachodzicca jašče adzin dot.

Alaksandr Bazarnaŭ:

Hety punkt dobry tolki dla niejkich sutyčak, bajoŭ u horadzie. Suprać ciažkaj artyleryi jon by nikoli nie vystajaŭ — rassłaiŭsia b i raskałoŭsia pry ŭdary snarada. Siektar abstrełu — padychody da hetaha miesca.

Vulica Čarnyšeŭskaha, 12

Nastupny dot, jaki znachodzicca na vulicy Čarnyšeŭskaha, 12, pa-svojmu ŭnikalny, bo ŭvachod u hety bietonny budynak znachodzicca ŭ adnoj z kvateraŭ žyłoha doma.

Alaksandr Bazarnaŭ:

Heta typovy pradstaŭnik tak zvanaj achoŭnaj fartyfikacyi. Ich staviać dla achovy niejkaha važnaha abjekta — kamiendatury, kazarmy, składa abo prosta skryžavańnia. Ambrazura tut nievialikaja: niejki ciažki stankavy kulamiot, typu «Maksima» z prymusovaj sistemaj achałodžvańnia, pastavić niemahčyma, chutčej tut stajaŭ niamiecki ručny kulamiot.

Vieteran Vialikaj Ajčynnaj vajny Pavieł Uładzimiravič Łapin užo bolš za 50 hadoŭ žyvie ŭ domie № 12 pa vulicy Čarnyšeŭskaha.

Pavieł Łapin, vieteran Vialikaj Ajčynnaj vajny:

Nakolki mnie viadoma, tut pražyvali aficery niamieckaj armii.

Hety dom byŭ pabudavany jašče da vajny, a ŭ vajenny čas niemcy prybudavali da jaho DTO — i siońnia Pavieł Uładzimiravič z zadavalnieńniem vykarystoŭvaje hetaje bietonnaje zbudavańnie jak sklep, uvachod u jaki znachodzicca prosta ŭ kvatery.

Alaksandr Bazarnaŭ:

Zasaŭki na ambrazury aryhinalnyja, zachavalisia z časoŭ vajny. Taŭščynia — prykładna 5–7 milimietraŭ — kaža ab tym, što ciažkaha snarada jana b nie vytrymała, abaraniała tolki ad ružejnaha ahniu. Tut adzin kaziemat: try ambrazury i zapasny vychad-łaz.

Vulica Staražoŭskaja, 15

Alaksandr Bazarnaŭ:

Nievialikaja, bačnaja adrazu častka — heta ahałovak, sam abjekt znachodzicca pad ziamloj. Jon pabudavany z cehły, nie pryznačany abaraniać ad ciažkich snaradaŭ. Mabyć, budavali z taho, što było.

Vulica Drazda, pamiž damami № 7 i № 17

Pamiž damami № 7 i № 17 pa vulicy Drazda znachodzicca jašče adzin dot, na jakim da hetaha času vyrazna bačnyja ślady ad bajavych kulaŭ.

Alaksandr Bazarnaŭ:

Heta taksama ahałovak. Kali budynki pobač ujaŭna prybrać, za imi budzie čyhunka. Jon byŭ pabudavany, całkam vierahodna, kab prykryvać padychody da čyhunki. Padziemnaja častka paśla vajny vykarystoŭvałasia ŭ bytavych metach: pavodle apoviedaŭ miascovych žycharoŭ, tut była kacielnia.

Vielmi šmat punktaŭ było ŭ rajonie parku Čaluskincaŭ na praśpiekcie Niezaležnaści. Ich było bolš, ale mnohija paznosili. Tyja, što zastalisia, jašče čakajuć svajho daśledčyka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?