Pra heta paviedamiŭ načalnik słužby hidramietearałahičnych prahnozaŭ Respublikanskaha hidramietearałahičnaha centra Dźmitryj Rabaŭ 23 maja na videabryfinhu ŭ Minsku.

Pavodle jaho słoŭ, 24 maja ŭ Biełarusi čakajecca pieramiennaja vobłačnaść, pieravažna biez apadkaŭ. Tolki nočču miescami pa Homielskaj i Mahiloŭskaj abłaściach projduć karotkačasovyja daždžy i navalnicy. Tempieratura pavietra dniom składzie plus 19–25 hradusaŭ.

25 maja na bolšaj častcy terytoryi Biełarusi projduć karotkačasovyja daždžy i miescami prahrymiać navalnicy, čakajecca paŭdniovy viecier ź pierachodam na paŭnočna-zachodni, dniom — paryvy da 15–18 m/s. Tempieratura pavietra panizicca. Nočču jašče čakajecca plus 7–13 hradusaŭ, a dniom — 15–21 hradus, pa paŭdniovym uschodzie Bresckaj vobłaści pavietra prahrejecca da 23 hradusaŭ.

Jak paviedamiŭ Rabaŭ,

26 maja čakajecca samaja chałodnaja na hetym tydni noč.

Tempieratura pavietra składzie plus 2–8 hradusaŭ, u nizkich miescach i na asušanych tarfianikach prahnazujucca zamarazki ad 0 da minus 2 hradusaŭ. U siaredzinie dnia pavietra prahrejecca ad plus 17 hradusaŭ pa paŭnočnym uschodzie da 24 hradusaŭ pa paŭdniovym zachadzie krainy. Čakajecca intensiŭny rost atmaśfiernaha cisku, jaki ŭzmocnić upłyŭ chaładnavataha skandynaŭskaha antycykłonu.

27 maja za košt hetaha ž antycykłonu zachavajecca suchoje nadvorje, viecier čakajecca niaŭstojlivy i tempieratura pavietra nočču plus 3–10 hradusaŭ, dniom 20–25 hradusaŭ, pa paŭdniovym zachadzie Bresckaj vobłaści 26–28 hradusaŭ.

Jak paviedamiŭ sinoptyk,

u vychadnyja paciapleje: u atmaśfiery čakajecca pierabudova,
bolš ciopłyja i vilhotnyja pavietranyja masy pačnuć pastupać z paŭdniova-zachodniaj Jeŭropy. Miescami projduć karotkačasovyja letnija daždžy z navalnicami, i tempieratura pavietra nočču składzie plus 9–16 hradusaŭ, dniom — 23–28 hradusaŭ. Taki tempieraturny režym na 2–4 hradusy ciaplejšy, čym zvyčajna ŭ mai, adznačyŭ Rabaŭ.

Pavodle jaho słoŭ, u najbližejšyja sutki ŭ Minsku čakajecca pieramiennaja vobłačnaść biez apadkaŭ, viecier zachodni 4–9 m/s, tempieratura pavietra nočču prahnazujecca plus 7–9 hradusaŭ i dniom — 21–23 hradusy.

Sinoptyk adznačyŭ, što najbližejšym časam stanuć častymi navalnicy i mocnyja liŭni. Rabaŭ nahadaŭ, što pry navalnicy nielha chavacca pad adzinokimi drevami i znachodzicca pablizu vadajomaŭ. U horadzie navalnicu lepš pieračakać u pamiaškańni, u sielskaj miascovaści — u jary. Tym, kaho navalnica zastała ŭ darozie, rekamiendujecca spynić aŭtamabil i zastavacca ŭ im z začynienymi voknami i dźviaryma.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?