Prezydent Litvy Dala Hrybaŭskajcie zajaviła, što kateharyčna nie ŭchvalaje prapanovu ŭvieści ekanamičnyja sankcyi suprać Biełarusi.

"Ja kateharyčna suprać sankcyj adnosna samoj dziaržavy abo suprać pradpryjemstvaŭ, jakija naŭprost upłyvajuć na zbor biudžetnych srodkaŭ u Biełaruskaj dziaržavie", – zajaviła prezydentka na pres-kanferencyi ŭ paniadziełak.

Pavodle jaje słoŭ, "nikomu niedapuščalna bić nižej pojasa, kali ŭ dziaržavie składanaja ekanamičnaja sytuacyja". "Heta naš susied – ci padabajecca nam jaho kiraŭnik ci nie", -- padkreśliła prezydentka.

Sa słovaŭ D. Hrybaŭskajcie, Litva padtrymlivaje tolki miery suprać peŭnych asob.

"Nam sapraŭdy važnyja budučynia i perspektyvy Biełarusi jak suverennaj dziaržavy", – zajaviŭ u svaju čarhu premjer-ministar Andrus Kubilus na sumiesnaj z prezydentam pres-kanferencyi.

Dziaržavy EZ užo niekatory čas razhladajuć metazhodnaść uviadzieńnia ekanamičnych sankcyj suprać uładaŭ Biełarusi. Da hetaha času EZ abmiažoŭvaŭsia palityčnymi sankcyjami i zabaronaj na ŭjezd u EZ u dačynieńni da vysokapastaŭlenych pradstaŭnikoŭ aficyjnaha Miensku.

U paniadziełak kiraŭniki MZS krain EZ praviali kansultacyi ŭ spravie ŭviadzieńnia dadatkovych mier suprać uładaŭ Biełarusi z-za sudovaha pieraśledu biełaruskich apazycyjaneraŭ i pastanavili pašyryć śpis nieŭjaznych asobaŭ na 13 čałaviek – pieravažna prakuroraŭ i sudździaŭ.

Litoŭskija słužbovyja asoby da hetaha času vystupali suprać ekanamičnych sankcyjaŭ u dačynieńni da Biełarusi, pakolki heta moža pavialičyć upłyŭ Rasiei ŭ hetaj krainie i naškodzić litoŭskamu biznesu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?