«Ździeki, „raściažki“, fizičnyja „praktykavańni“, katavańni choładam, biassońnicaj u SIZA KDB ja nie ličyŭ katavańniami»,

— zajaviŭ u intervju internet-haziecie BiełaPAN Naviny.by («Biełorusskije novosti») były kandydat u prezidenty Uładzimir Niaklajeŭ. Intervju było ŭziataje na druhi dzień paśla vyniasieńnia Niaklajevu prysudu i apublikavanaje 23 maja.

«Toje, pra što raspavioŭ Michalevič i što paćvierdziŭ Sańnikaŭ: ździeki, „raściažki“, fizičnyja „praktykavańni“, katavańni choładam, biassońnicaj, — tak. Usio jano było, ja kazaŭ pra heta ŭ sudzie. Ale voś što (pra heta ja taksama kazaŭ) dziŭna: ja nie ličyŭ heta katavańniami. I viedajecie čamu?.. Bo naradziŭsia ja i vyras u sistemie, dla jakoj čałaviek — ništo. U jakoj žaleza: samalot, tank, harmata, kulamiot, kula, navat ćvik niešta kaštavali, a čałaviek — nie. Ničoha, nikolki nie kaštavaŭ. „Hvozdi by diełať iz etich ludiej — nie było b v mirie diešievle hvozdiej!“. Jak ćviki ŭ ścianu ŭhaniali — hetak sama j ludziej uhaniali ŭ ziamlu. Tysiačami, miljonami! „Baby novych narodziać“, — kazaŭ adzin sa stvaralnikaŭ sistemy. A kali ludziej možna zabivać, dyk čamu nielha katavać? Katavańnie — heta ž jašče nie śmierć. Moža, paščaścić — i žyvym zastaniešsia. Razumiejecie?.. Tamu tryvaj. Prosta tryvaj. Kab nie razzłavać tych, chto katuje. Kab jany ciabie nie zabili», — skazaŭ Niaklajeŭ.

Pavodle jaho słoŭ, u starejšaha pakaleńnia, jaho ravieśnikaŭ, «skalečanaja śviadomaść». «My dapuskajem, što nas u luby čas mohuć ni za što aryštavać. Źniščyć. Kali ŭnačy z 19 na 20 śniežnia nieviadomyja ludzi ŭvarvalisia ŭ špital chutkaj dapamohi i hołaha pavałakli mianie z reanimacyi na vulicu, na luty ŭ tuju noč maroz, ja padumaŭ: čamu nie dali ŭziać adziežu, paciahnuli halakom? Tamu što hetyja ludzi, padumaŭ ja dalej, viedajuć: adzieža mnie bolš nie spatrebicca. Voś tady, hołamu na padłozie mikraaŭtobusa, u jakim ja sutarhava sprabavaŭ zaryjentavacca:

u jaki bok mianie viazuć? U Minsk? Ci ŭ les za kalcavuju? — mnie było pa-sapraŭdnamu strašna.
Ja śpinnym mozham na źledzianiełaj padłozie ŭspomniŭ pra los Hančara i Zacharanki, Krasoŭskaha i Zavadskaha», — raspavioŭ Niaklajeŭ.

U SIZA KDB, ź jahonych słovaŭ, «tak strašna nie było». «Ja byŭ, možna skazać, ščaślivy, kali mianie ŭ SIZA pryvieźli. Paśla strachu praz toje, što ciabie mahli zabić, ty i ŭvahi nie źviartaješ, što na raściažcy ŭ ciabie niejkaja žyła parvałasia. Nu, adna parvałasia, a kolki jašče cełych zastałosia!» — skazaŭ Niaklajeŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?