Pieramožcy konkursu «Volnaje słova-2010. Bolej fotaŭ TUT.

Pieramožcy konkursu «Volnaje słova-2010. Bolej fotaŭ TUT.

6 maja ŭ rezidencyi ambasadara Vialikabrytanii pry padtrymcy ambasady hetaj krainy prajšła ŭračystaja cyrymonija ŭhanaravańnia pieramožcaŭ konkursu «Volnaje słova-2010». Tvorčaje spabornictva čaćviorty hod zapar ładziła HA «Biełaruskaja asacyjacyja žurnalistaŭ».

«My rady padtrymać mierapryjemstva, jakoje ŭchvalaje zasłuhi ŭ halinie žurnalistyki, i ŭražanyja mužnaściu pradstaŭnikoŭ vašaj prafiesii, jakim davodzicca pracavać u siońniašnich nialohkich umovach», — adznačyŭ, vitajučy prysutnych, časovy pavierany ŭ spravach Vialikabrytanii ŭ Biełarusi spadar Džym Kazns.

«Takoha ciažkoha hoda dla žurnalistyki i dla volnaha słova ja, pa ščyraści, nie pamiataju, — pryznałasia staršynia HA “BAŽ” Žanna Litvina. — Za minuły hod my z vami sutyknulisia z žorstkaj i pomślivaj palitykaj uładaŭ u dačynieńni da žurnalistaŭ. Voś i na siońniašniaj padziei nie mohuć prysutničać pieramožcy našaha konkursu Iryna Chalip i Siarhiej Vaźniak (pieršaja — pad chatnim aryštam u čakańni suda, druhi — na sudovym pracesie pa kryminalnaj spravie suprać jaho — zaŭv. BAŽ), mnohija našy kalehi znachodziacca ŭ załach šmatlikich sudoŭ, dzie vykonvajuć svaje prafiesijnyja abaviazki…»

Staršynia BAŽ nahadała pra pahrozu, što navisła nad dvuma «brendavymi» vydańniami biełaruskaj niezaležnaj žurnalistyki — «Našaj Nivaj» i «Narodnaj Volaj», a taksama pra los źniavolenaha kalehi Andreja Pačobuta, jaki čakaje suda ŭ hrodzienskaj turmie. «Usio heta nie dadaje dobraha nastroju. Ale za niezaležnych biełaruskich žurnalistaŭ siońnia nie soramna. Ja radujusia, što my patrebnyja adzin adnamu i što my — razam», — padkreśliła Ž. Litvina.

Staršynia žury Juraś Karmanaŭ nahadaŭ, što na konkurs było padadziena bolš za 60 tekstaŭ ad 23 aŭtaraŭ. «Siabry žury adznačyli vysoki prafiesijny ŭzrovień pradstaŭlenych tvoraŭ», — adznačyŭ sp. Karmanaŭ.

Jon prezientavaŭ kožnaha łaŭreata karotkaj daścipnaj charaktarystykaj jaho tekstu i niekalkimi najbolš jarkimi cytatami z artykułaŭ-pieramožcaŭ. Žurnalisty raspaviadali pra historyju stvareńnia svaich materyjałaŭ, dzialilisia tvorčymi płanami nie budučaje i niekatorymi zaŭvahami nakont «biahučaha momantu».

«My, žurnalisty, vykonvajem try asnoŭnyja funkcyi: infarmujem, kantralujem uładu i dapamahajem prostym ludziam. Jak śviedčać vyniki konkursu, usim hetym patrabavańniam całkam adpaviadajuć teksty-pieramožcy „Volnaha słova“, — padsumavaŭ Juraś Karmanaŭ. — Spadziajusia, što ŭ nastupnym hodzie i sam konkurs, i pracedura ŭznaharodžańnia buduć prachodzić bolš svabodnych varunkach».

Tym pieramožcam konkursu, jakija z abjektyŭnych pryčyn nie zmahli prysutničać na cyrymonii ŭhanaravańnia — u pryvatnaści, baćkam Iryny Chalip, jakija siońnia ŭ časie cyrymonii znachodzilisia ŭ sudzie nad Andrejem Sańnikavym i inšymi fihurantami «spravy 19 śniežnia» — siabry žury płanujuć siońnia advieźci dypłomy i kvietki dachaty.

Siarhiej Vaźniak atrymaŭ svaju ŭznaharodu ŭ ofisie BAŽ, kudy pryjechaŭ paśla prypynieńnia sudovych słuchańniaŭ z-za kiepskaha samaadčuvańnia Alaksandra Fiaduty.

Naminacyja NAJLEPŠY INFARMACYJNY MATERYJAŁ

1 miesca:

AŬTAR: Rusłan Harbačoŭ, (internet-hazieta «Salidarnaść»)

TEKST: «Zianon Paźniak: „Nastalhija — strašennaja źjava. Heta nievynosna!“»

2 miesca:

AŬTAR: Siamion Piečanko (hazieta «Naša Niva»)

TEKST: «Niaprosty kampramis prafiesara Astroŭskaha»

3 miesca:

AŬTAR: Siarhiej Vaźniak, (hazieta «Tovariŝ»)

TEKST: «Hovori pravdu, boriś za pravdu i tohda nie strašno dažie v tiuŕmie!»

Naminacyja NAJLEPŠAJA ANALITYČNAJA PUBLIKACYJA

1 miesca:

AŬTAR: Iryna Chalip, («Novaja hazieta», Rasija)

TEKST: «Jevanhielije ot Łukavoho»

2 miesca:

AŬTAR: Nastaśsia Zielankova (sajt «Zaŭtra tvajoj krainy»)

TEKST: «Hotovy li biełorusy hołosovať za kandidata v jubkie»

3 miesca:

AŬTAR: Siarhiej Nikaluk (hazieta «Novy čas»)

TEKST: «Dokumient iz intiernieta»

Naminacyja NAJLEPŠAJA PUBLIKACYJA LITARATURNA-MASTACKAHA ŽANRU

1 miesca:

AŬTAR: Maryja Martysievič (hazieta «Novy čas»)

TEKST: «Pryhody piensijaniera: 60 hadoŭ z Valancinam Akudovičam»

2 miesca:

AŬTAR: Siarhiej Makarevič (hazieta «Naša Niva»)

TEKST: «Savieckaja dačka prezidenta BNR»

3 miesca padzialili:

AŬTAR: Volha Chvoin (hazieta «Novy čas»)

TEKST: «SMS-dziońnik ź minułaha stahodździa»

AŬTAR: Anatol Hatoŭčyc (časopis «Abažur»)

TEKST: «Ziamla pad biełymi kryłami»

Naminacyja ŽURNALISCKAJE RASŚLEDAVAŃNIE

1 miesca:

AŬTAR: Jaŭhien Vałošyn (hazieta «Źviazda»)

TEKSTY: «Jak my kuplali mašynu ŭ Niamieččynie, ci Horki los biełaruskaha aŭtapierahonščyka» i «Bitva za rodnaje słova. Jak zamiest nas biełaruskuju movu raskručvajuć rasijanie?»

2 miesca:

AŬTAR: Maryja Ejsmant (hazieta «Narodnaja vola»)

TEKST: «V Biełarusi hołosujut pokojniki»

Naminacyja DEBIUT

1 miesca:

AŬTAR: Aleh Ražkoŭ (internet-hazieta «Salidarnaść»)

TEKST: «Čietyrie hoda na lestničnoj płoŝadkie»

2 miesca:

AŬTAR: Aleś Hierasimienka (sajt Generation.by)

TEKST: «Virtualny vybar Ukrainy»

3 miesca:

AŬTAR: Mikałaj Tamaševič (hazieta «Źviazda»)

TEKST: «Jak karespandenty «Źviazdy» na «Słavianskim bazary» handlavali karcinami»

Skład žury konkursu:

1. Juraś KARMANAŬ (staršynia)

2. Taćciana MIELNIČUK

3. Andrej SKURKO

4. Andrej ALAKSANDRAŬ

5. Anatol HULAJEŬ

6. Maksim ŽBANKOŬ

7. Alaksandr STARYKIEVIČ

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?