Pakul uvahu biełarusaŭ była prykavana da trahiedyi 11 krasavika, niezaŭvažanaj prajšła inšaja vialikaja niepryjemnaść — patrapiŭ u reanimacyju narodny paet Biełarusi Ryhor Baradulin. Dziadźka Ryhor loh u špital na čarhovaje abśledavańnie, ale raptam staŭ adčuvać siabie horš — i ŭ vyniku jaho pieraviali ŭ reanimacyju.

«U jaho było, jak kažuć, «płanavaje lažańnie» u nieŭrałohii. Ale tam vyśvietliłasia, što i zapaleńnie lohkich, — raspaviała «Jeŭraradyjo «žonka paeta Valancina Baradulina. — Jaho pieraviali ŭ reanimacyju, tamu što tam jość nieabchodnaje abstalavańnie dla vientylacyi lohkich. I ŭ jaho nie padaje tempieratura — 37.1 — 37.4 hradusaŭ. Zdajecca, i nievialikaja, ale vielmi niepryjemnaja… Uźnimałasia i da 38… Jon tam byŭ da taho času, pakul lekary nie skazali, što lohkija čystyja. Ciapier jon dalečvacca ŭ terapii, ale kašal u jaho nie prachodzić…»

Samaje niebiaśpiečnaje, kaža Valancina Michajłaŭna, što lekary nie mohuć skazać adnaznačna, ad čaho ŭ narodnaha paeta trymajecca tempieratura.

«Daktary kažuć, što heta ŭsio ad chvaroby Parkinsana u ciažkaj formie.
Ja dumała, što heta, kali ŭsio trasiecca — a ŭ jaho ž tolki adna ruka… Ale vyśvietliłasia, što ŭ jaho jość parušeńni znutry — spazmy, hłytać jamu vadkaść ciažka…», — kaža Valancina Baradulina.

Ryhoru Baradulinu pryznačyli novyja leki — i jak minimum u bližejšyja dva tydni havorka pra vypisku nie idzie. Miž inšym, za apošnija hady heta ŭžo nie pieršy raz, kali paet akazvajecca ŭ reanimacyi. «Samy pieršy raz jon vypiŭ adny leki, a na ranicu jaho zabrali ŭ reanimacyju… Ale jon tady adtul vylez chucieńka, užo praz try dni napisaŭ vierš. Naohuł, jon ich piša navat u reanimacyi! Cud, ale jon vieršy praciahvaje pisać! . Kali b jon pierastaŭ chacieć i mahčy pisać — jon by ŭžo zahnuŭsia daŭno…», — upeŭnienaja žonka paeta.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?