Urad RB vyrašyŭ zamianić inviestara ŭ budaŭnictva kompleksu abjektaŭ nieruchomaści Parka vysokich technałohij u nadziei, što prajekt zrušycca ź miortvaj kropki.
Pastanovaj Saŭmina № 561 ad 30 krasavika Minharvykankamu daručana razarvać padpisanuju ŭ krasaviku 2008 hoda inviestycyjnuju damovu z kampanijaj Lyons Financial Solutions Limited i zaklučyć novuju inviestdamovu sa Svitland Development Limited, zarehistravanaj na Kipry (rehistracyjny numar NIE 170699).
«…pry zaklučeńni damovaŭ z kampanijaj Svitland Development Limited ustalavać termin zaviaršeńnia budaŭnictva i ŭvodu ŭ ekspłuatacyju abjektaŭ nieruchomaści — 2013 h.», — adznačajecca ŭ dakumiencie.
Akramia taho, Minharvykankamu daručana «ažyćciavić prajektavańnie, budaŭnictva i ŭvod u ekspłuatacyju na terytoryi PVT pazakvartalnaj inžyniernaj i transpartnaj infrastruktury, abjekta adukacyi, jaki ŭklučaje dziciačuju daškolnuju ŭstanovu na 95 miescaŭ i pačatkovuju škołu na 160 navučencaŭ, spartyŭny centr, dva žyłyja damy, za košt srodkaŭ biudžetu h. Minska i čatyroch žyłych damoŭ šlacham stvareńnia
Taksama Minenierhietyki daručana zabiaśpiečyć prajektavańnie i budaŭnictva abjektaŭ «Rekanstrukcyja PS 110/10» Aziaryšča» ŭ 2011 hodzie i «Budaŭnictva PS PA kV «Rahačoŭskaja» ŭ III kvartale 2013 h., a NAN RB — «zabiaśpiečyć kapitalny ramont fasadaŭ najaŭnych budynkaŭ <…> z dobraŭparadkavańniem terytoryi ŭ miežach PVT i prylehłych terytoryj da 2013 hoda».
