Vasały
Impierskaja chižaść —
Jak rana staraja.
Jaje nie spatolili
Navat viaki.
Zdabyču šukaje
I znoŭ paziraje
Rasijski aroł
U abodva baki.
Byŭ «
Jak vasały,
Žyli biełarusy ŭ «arła» da pary.
Naroda dušu,
By nažami, kramsali,
Žyŭcom raździrali
Jaho kipciury.
I voś jana, vola…
«Zaližam my rany, —
Tak dumali, —
Budziem my zvacca ludźmi!»
Adnak, na škadobu,
Uściešvacca rana.
Va ŭsim my zaležnyja —
Što ni vaźmi.
Na hetu zaležnaść
Zhadzilisia sami.
Napakaz.
I znoŭ ža Rasija:
— Vy — našy vasały!
My tanna dadzim vam
I naftu, i haz.
Navošta ciapier nam
Ułasnaje krylle?
Nas voźmie
Rasijski aroł pad kryło!
Ad radaści
Prodkaŭ śviatyni zhnaili,
Ad ščaścia
Až movu svaju adniało.
Našto nam śviatyni?
Navošta nam mova?
Jość «russkij
Vielikij mohučij jazyk».
Jaho my pazyčyć,
Zasvoić hatovy,
Kab navat sumnieŭ
U Rasii nie ŭźnik.
Dy z
Nie viečna chalava.
Byli da pary.
— Płacicie! —
Skazała
Pa poŭnaj prahramie
Płacicie, siabry!
«Zaleźli ŭ tarfianiki»
My, niebaraki,
I Vieniesueła
Nam naftu daje.
I skiemiła ŭłada:
Va ŭsim i va ŭsiakim
Patrebna raźličvać
Na siły svaje.
* * *
Kali ž biełaruskaju
Być Biełarusi
I ŭ «movie» patreba
Znoŭ źjavicca ŭ nas?
Tady, jak Rasija,
Narešcie, prymusić
Płacić za «jazyk»,
Jak za naftu i haz.
