Punkty sproščanaha propusku nabiełaruska-litoŭskaj miažy buduć funkcyjanavać u suviazi ź Vialikadniem i Radaŭnicaj, paviedamili ŭpres-słužbie Lidskaha pahranatrada.
Rašeńnie ŭzhodniena ź litoŭskim bokam. Pierasiekčy miažu ŭ punkcie propusku «Pickuny» — «Narviliški» (Iŭjeŭski rajon) možna budzie 23–25 krasavika i 2–3 maja z 10.00 da 17.00. Punkty propusku «Piaciuleŭcy» — «Rakaj» (Ščučynski rajon) i «Hieraniony» — «Krakuny» (Iŭjeŭski rajon) buduć adkryty z 10.00 da 17.00 22–25 krasavika, 29–30 krasavika i 1–3 maja.
Propusk asobaŭ budzie ažyćciaŭlacca pry najaŭnaści sapraŭdnych dakumientaŭ na prava pierasiačeńnia miažy, u tym liku vizaŭ, i pry najaŭnaści adznaki ab rehistracyi ŭ pamiežnaj zonie dla hramadzian Biełarusi.
U punktach sproščanaha propusku «Hieraniony» i «Piaciuleŭcy» taksama budzie ažyćciaŭlacca propusk transpartnych srodkaŭ, jakija naležać asobam, jakija jeduć na ich, na pravie ŭłasnaści abo karystańnia ci vałodańnia.
Akramia taho, dla pierasiačeńnia Dziaržaŭnaj miažy abaviazkovaja najaŭnaść miedycynskich strachavych polisaŭ i mižnarodnych polisaŭ hramadzianskaj adkaznaści ŭładalnikaŭ aŭtatranspartnych srodkaŭ, adznačyli ŭ pahranatradzie.
